........ငယ်ငယ်တုန်းက ပန်းရိုင်းလေး........

ငယ်ငယ်တုန်းက ပန်းရိုင်းလေး......

ခုဘယ်မှာများရှိနေမလဲ တော့ မသိတော့ပါဘူးလေ...။

ကိုယ့်ထက် တစ်နှစ်ကြီးပေမယ့်... ကိုယ့်ထက် 2 တန်းငယ်သူ.... ကိုယ် 8 တန်း ၊ သူ 6 တန်း နှစ်မှာပေ့ါ...။

ညနေ ကျောင်းဆင်းချိန်.... စက်ဘီးထားတဲ့နေရာမှာ ကျောင်းသား ကျောင်းသူတွေ အလုအယက် စက်ဘီး ထုတ်နေကြရင်....ကိုယ် ၊ လှိုင် နဲ့ ၊ ခိုင် တို့က အဲ့လို လူရှုပ်ရင် မထုတ်တတ်လို့ လူနဲနဲရှင်းအောင် စောင့်ပြီးတော့ မှ အမြဲ စက်ဘီးကို ထုတ် တယ် ..။

" မေဇေး .... နင့် စက်ဘီး ရှေ့ခြင်းထဲမှာ... ဘာလဲ"

ကိုယ်နဲ့ အစ်မ နှစ်ဝမ်းကွဲလဲဖြစ်.. အတန်းဖော် သူငယ်ချင်းလဲ ဖြစ်တဲ့ ခိုင် ရဲ့ အမေးကို ကြားမှ....စက်ဘီး နောက်ကယ်ရီယာခုံမှာ လွယ်အိတ်ကို ကြိုးနဲ့တုတ်ရင်း... ရှေ့ခြင်းထဲကို ကြည့်လိုက်တော့....ပလစ်စတစ် အကြည် လေး နဲ့ ပတ်ထားတဲ့ ... နှင်းဆီပန်းငုံ လေး...။

(ခိုင် နဲ့ လှိုင် တို့က ကိုယ့်နာမည် မေဇင်အေး ကို အမြန်ခေါ်ရင်း.. မေဇေး ပဲ ခေါ်နေကြ )

" နှင်းဆီပန်းငုံ လေးတော့်"

ပြောရင်း.... ဘေး ကို ဝေ့ ကြည့်လိုက်တော့.... ကျောင်းရှေ့ ညောင်ပင်ကြီး အောက်မှာ စက်ဘီး ပေါ်ကနေ ခြေဖျားလေး ထောက်ပြီး ရပ်ကြည့်နေတဲ့ .... ကျော်....။

ကျော်.... ကျော်ဆိုတာ လူဆိုးလေး ပါ...။ မဲနက်နေတဲ့ မျက်တောင်မွေးရှည်ရှည် ကော့ကော့တွေ ရံထားတဲ့ သူ့မျက်လုံးက ယောင်္ကျားလေး တန်မယ့် ၀ိုင်းစက်ကြည်လင်နေတာ...၊ မျက်ခုံးမွေး ကလဲ ထူပြီး မဲခဲနေလို့ အဲ့ဒီမျက်လုံး နဲ့ မျက်ခုံး လေး ကြောင့်ပဲ.... မိန်းကလေး တော်တော်များများ ရဲ့ အာရုံကို ယူထားတယ်..။ ပြီးတော့ အတန်းထဲမှာ ဆိုးတယ်လို့ နာမည်ကြီးပေမယ့်.... အဲ့ဒီချစ်စရာ မွေးရာပါ အကျိုးပေးကောင်းတဲ့ ရုပ်ရည်လေး နဲ့ စကားသံ ချိုချိုလေး တွေကြောင့် ဆရာမ တွေရဲ့ အချစ်တုံးလေးလို့လဲ ကိုယ် ကြားဖူးထားတယ်လေ...။

ကိုယ်ဟာ.... 8 တန်း ကျောင်းသူ ဖြစ်တဲ့အထိ ... ခန္ဒာကိုယ် သေးသေးညှက်ညှက်လေး နဲ့ အတန်းတူတွေ ကြားမှာ အသက်ကလဲ သူများထက် 1 နှစ်အမြဲ ငယ်လို့ (၅ နှစ်မပြည့်သေးပဲ ကျောင်းနေလို့ ပါ) ... သူငယ်ချင်းတွေကလဲ လူရာသွင်း မဆက်ဆံ အမြဲ ကလေး လို အထင်ခံနေရသူပါ...။

ဒါပေမယ့် ကျော့် ရဲ့ က အဲ့ဒီလို ရပ်ကြည့် နေတဲ့ အကြည့်ကို ခံလိုက်ရတဲ့ အခါမှာ..... ဘာမှန်းမသိတဲ့ ခံစားမှုနဲ့ ထူပူပြီး... အဲ့ဒီနေ့ က စက်ဘီးစီး ကျွမ်းတဲ့ ကိုယ် စက်ဘီး မှောက်ခဲ့တယ်.....။

နေ့စဉ် နေ့တိုင်း လာလာ ထည့်ထားတတ်တဲ့ နှင်းဆီပန်းငုံ လေးတွေကြောင့်.... ကလေး လိုအမြဲ ခုန်ပေါက် ဆော့ကစား ချင်တဲ့စိတ်ပဲ ရှိခဲ့တဲ့ ကိုယ်...ကျော့် မျက်လုံးထဲမှာ လှတယ်လို့ မြင်စေချင်ခဲ့တယ် ။

နောက်ပိုင်း ကျောင်းက အပြန်တွေမှာ သူငယ်ချင်း နှစ်ယောက်အမြဲ ရံပြီး ပြန်နေရက် နဲ့ သူ ဘယ်အချိန်များ ကိုယ့် အနားကိုရောက်လာခဲ့မလဲ မျှော်လင့်လာ.. ထင်တဲ့အတိုင်း... ကိုယ့် ရဲ့ သူငယ်ချင်း နှစ်ယောက် ရဲ့ ရန်တွေ့သံတွေကို သူ မမှုပဲ ကိုယ့် နားကို သူအရောက်လာခဲ့တယ်...။ ကလေး ဘ၀ ရင်ခုန်တတ်စ မှာ အဲ့လို ခပ်ချောချော အပြောချိုချို ကောင်လေး တစ်ယောက်ရဲ့ ကိုယ့်ကို အရေးပေး မှုတွေဟာ... ကိုယ့် အတွက်တော့ တကယ့်ကို ကျေနပ်ကြည်နှုးစရာ ပေ့ါ။

" မေဇေး.. အဲ့ဒီကောင် နင့်ကို တကယ်ကြိုက်တယ်လို့ ထင်မနေနဲ့....နင် ဘာမှ ဘုမသိ ဘမသိနဲ့ မို့နင့်ကိုလိုက်တာ" တဲ့...

ခိုင့် စကား... ။ ခိုင် နဲ့ လှိုင် တို့က ကိုယ့် ကို သူ နဲ့ ချစ်သူတွေ ဖြစ်သွားမှာကို အရမ်း စိုးရိမ် နေကြတယ်.. ဒါပေမယ့် ကိုယ်လဲ လေ... ရင်ခုန်ကျေနပ် တာက လွဲလို့ 8 တန်းကျောင်း သူလေးဘ၀ နဲ့ ရီးစားထားဖို့တော့ စိတ်ကူး ထဲမှာ တောင် မရှိခဲ့ပါဘူး...။

နောက် တစ်ချက် သူ အရမ်းဆိုးတယ် တဲ့....။ စာလဲမတော် ၊ အားကစားလဲ မထူးချွန်... ဒီကြားထဲ အရက်ကလေး ၊ ဆေးလိပ်လေး လဲ ခိုးသောက်တတ်နေပြီတဲ့...။ မိဘ ပိုက်ဆံ ရှိတဲ့ အငယ်ဆုံးသားလေး ၊၀ိုင်းပြီး အလိုလိုက်ထားတော့ ပျက်စီးနေတဲ့ မိဘ က မဆုံးမ တဲ့ ကလေး တဲ့...။

ကိုယ်လေ ရင်ခုန်တတ်စ ကနေ စပြီးတော့ သူ တစ်ယောက်သာ...အိမ်မက်မင်းသားပါ....။ ဒါပေမယ့် သူ သိပ်ဆိုးတယ် ဆိုတာကိုလဲ ကြောက်တယ်..။ ငါ နဲ့ ကြိုက်ပြီးတော့မှ ငါ ပြုပြင်မယ်ဆိုတဲ့ စကားမျိုး ပြောတတ်တဲ့ အရဲစွန့်ရဲတဲ့ မိန်ကလေးမျိုး ထဲမှာလဲ ကိုယ်မပါဘူး...။

သူကတော့ ဇွဲကောင်းတုန်းပါပဲ...။ ကိုယ် 8 တန်း နှစ်ကတော့ ... ငါ ငယ်သေးတယ်... ပညာရေးကလွဲပြီး ကျန်တာ စိတ်မ၀င်စားချင်သေးဘူး ဆိုလို့... အဖြေထပ်မတောင်းပေမယ့်... ပန်းလေးတွေ ကတော့ နေ့စဉ် မပြတ် ကိုယ် လက်ခံ ရရှိနေဆဲပါပဲ..။

မှတ်မှတ်ရရ ကိုယ့် 10 တန်း အောင်စာရင်းကို သူသွားကြည့်ပေးတာပါ...။ 10 တန်းအောင်တော့ အဖြေ ထပ်တောင်းပါတယ်...။ ကိုယ် သူ့ကို စိတ်ဝင်စားတယ် ၊ ဆိုတာကို ကိုယ့်အမူအယာတွေကို မထိန်းချုပ်တတ်လို့ သူလဲ သိနေခဲ့ပါတယ်....ဒါပေမယ့် ကိုယ် ပါးစပ် က ထုတ်မပြောမချင်း တရားမှ မ၀င်တာပဲ..။

" ငါ ကျောင်းတွေ ဆက်တတ်ရဦးမယ်....နင် လဲ လိမ္မာပါ ကျော်ရယ်...နော်"

ခေါင်း ငိုက်စိုက် ကျသွားတဲ့ သူ့ ကို မမြင်ရက်ဘူး... ဒါပေမယ့် ဒီလို လူမျိုး ကို လက်တွဲဖော် အဖြစ် တွဲဖို့ ကိုယ် သတ္တိမရှိဘူး..။

ဒီလိုနဲ့ ကိုယ် ကျောင်းတွေ ဆက်တတ်ခဲ့ရတယ်...။ ကျောင်းပိတ်လို့ ရွာခဏပြန်တိုင်း... သူတို့ အိမ်ရှေ့က ဖြတ်ရင် ခိုးကြည့်ရတာလဲ အမောပါပဲ....၊ ဆိုင်ကယ်သံ ကြားတိုင်း သူများလားလို့ စောင့်ကြည့်ရတာလဲ မရိုးနိုင်ပါဘူး။ ကိုယ် သူ့ကို မေ့လို့ မရသေးဘူးလေ...။ ကိုယ် ပြန်ရောက်တာ ကြားတာနဲ့ သူလဲ အိမ်ရှေ့မှာ ဂီတာလာတီးတော့တာပါပဲ...။ ဂီတာ လာတီးနေတဲ့ အိမ်ရှေ့ ကခုံတန်းလေးပေါ်က လက်ခနဲ ရဲခနဲ ဖြစ်သွားတတ်တာက သူ့ ဆေးလိပ်မီးလေးပါ...။

အဲ့ဒီ ဆေးလိပ်မီး ရဲရဲလေးကို အိမ်ထဲက အမှောင်လေး ကနေ ခိုးကြည့်နေတဲ့ ကိုယ့် အဖြစ်ကို သူတော့ သိမှာ မဟုတ်ပါဘူး ကွယ်..။ သူ မပြန်မချင်း အဲ့ဒီ ဆေးလိပ်မီး ရဲရဲ လေးကိုပဲ မမှိတ်မသုန်ကြည့်ပြီး.... သူ ဘယ်တော့ များမှ လိမ္မာလာမှာလဲ ဆိုပြီး ကြေကွဲ၊ ဆို့နင့် နေတဲ့ ကိုယ့် အဖြစ်ကိုလဲ သူ သိခဲ့မှာ မဟုတ်ပါဘူး..။

နောက်နေ့ ကိုယ် ကျောင်းတတ်ဖို့ မြို့ပြန်သွားရတော့မယ်ဆိုတော့.... ကိုယ့် အိမ်ရှေ့ကနေ ဆိုင်ကယ် နဲ့ ...အခေါက်ပေါင်း များစွာ ဖြတ်သွားနေတဲ့ သူ့ကို ကိုယ်လဲ စကားအရမ်းနဲ့ကို ပြောချင်လို့ အိမ်ရှေ့ ထွက်လာခဲ့တယ်....။

ကိုယ့် ကိုမြင်တာနဲ့ ဆိုင်ကယ်ကို ရပ်ပြီး... စိုက်ကြည့်နေတာ ... ကိုယ် အသက်ရှုတောင် မှားပါရဲ့ .... မင်းကိုလဲ ကိုယ် သိပ်လွမ်းနေတယ်လို့ .... ပြောလိုက်ချင်တယ်...ဒါပေမယ့် ပြောလို့ မဖြစ်ဘူးလေ.. ကိုယ် သူ့ကို ပြုပြင် နိုင်မယ်လို့ မမျှော်လင့်ရဲဘူး...။

"လိမ္မာရဲ့လား..ကျော် ၊ 10 တန်း ကျတယ်ဆို...၊ ဘာလို့ စာမကြိုးစား သလဲ ဟင်"

"ဇင်လေး....နင် ငါ့ကို ချစ်တယ် ပြောပါလား ကွာ...။ ငါ 10 တန်းအောင် အောင်ဖြေပြမယ်..၊ နင်မကြိုက်တာတွေလဲ ဘာမှ မလုပ်တော့ဘူး...နောက်ပြီး"

စကားကို ဆက်မပြောပဲ ကိုယ့်ကို ပဲ အကြာကြီး စိုက်ကြည့်နေတာကြောင့်

"ပြောလေ"

" ငါ့ လက်ရှိ ရီးစားတွေကိုလဲ ဖြတ်ပစ်ပါ့မယ်"

ဘုရား၊ ဘုရား.... သူ့ လက်ရှိ ရီးစားတွေတဲ့... ဒါဆို သူ၊ သူ ရီးစားတောင် ထားနေပြီပေါ့...နောက်ပြီး ရီးစားတွေ တဲ့ တစ်ယောက် မကဘူးပေါ့.... ကိုယ်မဟုတ်တဲ့ တစ်ခြား တစ်ယောက်တွေကို သူ ချစ်တယ်ပြော နေပြီးပေါ့ နော်.။

ကိုယ် တကယ့်ကို ကြေကွဲ ခဲ့ရပါတယ်....ကိုယ်ကတော့ သူ တစ်နေ့ လိမ္မာနိုးနဲ့ စောင့်နေလိုက်ရတာ... ရက်စက်လိုက်တာ... မထင်ခဲ့ပါဘူး ကွယ်..။

အဲ့ဒီနေ့မှာပဲ ...ကိုယ် သူ့ကို ဘယ်တော့မှာ ချစ်မှာ မဟုတ်တဲ့ အကြောင်းပြောပြီး... အိမ်ထဲပြန်ဝင်လာခဲ့တယ် ။ နောက်ဆုံးပါပဲ...သူ့ကို အဲ့ဒီနေ့ ကိုယ်ချစ်ရတဲ့ ကောင်လေး ချောချောလေး အဖြစ်မြင်ရတာ နောက်ဆုံးပါပဲ..။

နောက် ကျောင်းပြီးတော့ ကိုယ်လဲ ရန်ကုန်မှာ သင်တုန်းတွေဆက်တတ်၊ အလုပ်ထဲရောက်နဲ့... (3) နှစ်လောက် အဆက်အသွယ် ပြတ်သွားခဲ့တယ်..။ ကိုယ် က တမင် မစုံစမ်းတော့တာပါ... မချစ်သင့်တဲ့ ကောင်လေး ကို မေ့ပစ် ချင်တယ်လေ.. ။

" မေဇင် ရေ.... ဖုန်းလာနေတယ်"

"ဟုတ်.........လာပြီ..မမ"

ထူးထူးခြားခြား .... ရုံးကို ဖုန်းလာတယ်..။ ထူးခြားတယ် ဆိုတာက ရုံး ကဖုန်းနံပါတ်ကို ကိုယ့် မိသားစု ကလွဲပြီး အပြင်လူ မသိဘူးလေ... ။ အိမ်က ကိုယ့် ရဲ့ အစ်မ ကလဲ မနေ့ညက မှ ရန်ကုန်ကို တတ်လာပြီး ကိုယ့် အဆောင်ကိုရောက်နေတာ... အိမ်က လဲ ဆက်စရာ အကြောင်းမရှိဘူး..။ ဇဝေ ဇ၀ါ နဲ့ ဖုန်းကို ကိုင်လိုက်တော့

"မေဇေး....နင် သိပြီးပြီလား..."

"ဟယ် ... လှိုင်... ဘယ်သူများလဲလို့...ဘာလဲ မသိဘူး"

"ကျော်လေ..... နင်တို့ ရန်ကုန်က အကယ်ဒမီ ဆိုလား ဘာဆိုလား မသိဘူး အဲ့ဒီ ဆေးခန်းမှာ တတ်နေရတယ် တဲ့ အခြေအနေ မကောင်းဘူး တဲ့... အဲ့ဒါ နင် များသိမလားလို့"

" ဟဲ့....ဘာဖြစ်တာတဲ့လဲ...ဘာလဲ ... ငါမသိဘူးတော့"

"အရက်တွေ သောက်တာလေ...ငယ်ငယ်လေး နဲ့ အသည်း ကင်စာ ဆိုလား မသိဘူး... နင် သွားကြည့်လိုက်ဦးလေ.. သနားပါတယ်..။ ငါ အဲ့ဒါ နင့် ကို ပြောချင်လို့ နင့် ဖုန်းနံပါတ် ကို နင်တို့ အိမ်က တမင် သွားမေးပြီး ဆက်တာ "

နောက်ထပ် လှိုင် ပြောတဲ့ စကားတွေ လဲ မကြားမိတော့ပါဘူး...။ အရက်တွေ သောက်တာလေ ငယ်ငယ်လေးနဲ့ အသည်းကင်စာ ဆိုတာပဲ ကြားနေမိပါတော့တယ်..။

ဒါနဲ့ပဲ အကယ်ဒမီ ဆေးခန်း ရဲ့ ဖုန်းနံပါတ်ကို စုံစမ်းပြီး...သူ အဲ့ဒီမှာ တတ်နေတာ ဟုတ်မဟုတ် ၊ အခန်းနံပါတ်တွေ မေးပြီး အဆောင်မှာ ခဏ ရောက်နေတဲ့ အစ်မ ကို အဖော်ခေါ်ပြီး ညတွင်းချင်းပဲ သူ့ ဆီကို ရောက်သွားခဲ့ပါတယ်..။

မမြင်ရက်စရာ......မျက်တွင်း ဟောက် ကြား မျက်လုံး ၀ိုင်းဝိုင်းလေး တွေကပြူးထွက်နေတယ်..၊ လက်မောင်း လေးတွေနဲ့ လက်ချောင်းလေး တွေက အရိုးပေါ်အရေတင် ဖြစ်နေပေမယ့်.... ဗိုက်ကြီးက အဆမတန် ကြီးနေလိုက်တာ...။ ပေါင်နဲ့ ခြေထောက်တွေကလဲ ဖော်ရောင်ပြီး အကြီးကြီး တွေ ဖြစ်နေတယ်..

ကိုယ် လေ... ကိုယ့် မျက်လုံး ကိုယ် မယုံနိုင်အောင် ပါပဲ.... ကိုယ်ချစ်ခဲ့ရတဲ့...အင်မတန် ချစ်စရာ ကောင်းတဲ့ ကောင်လေး တစ်ယောက်လား ၊ ဟုတ်ရော ဟုတ်ရဲ့လား... ။ အဲ့ဒီ အချိန်မှာ ကိုယ် ချစ်တယ်လို့ ထင်ခဲ့တဲ့ ကောင်လေး နားကို ကိုယ် မသွားရဲဘူး ၊ ကြောက်လို့....။ သူ့ အမေ နဲ့ စကားပြောနေတဲ့ ကိုယ့် အသံကို ကြားတော့ ... ခေါင်း က မလှုပ်ရှားနိုင် တဲ့ သူဟာ... မျက်လုံး လေးနဲ့ ကိုယ့် ကိုလိုက်ရှာ နေလို့.... သူ့ နားမှာ အားပေးစကားတွေ ပြောနေတဲ့ ကိုယ့် အစ်မ က...ကိုယ့်ကို လှမ်းခေါ်ပါတယ်...။

မရဲ တရဲ နဲ့ သူအနား ကပ်သွားတဲ့ ကိုယ့်ကို ကြည့်ပြီး.... သူ့ လက်ချောင်းလေးတွေ လှုပ်နေပါတယ်..။ အစ်မ က အလိုက်သိပြီး သူ့ လက်ဖ၀ါး လေးကို ကိုယ့် လက်ထဲ လာထည့်တော့မှ ကိုယ်လဲ သူ့လက်လေးကို ဆုတ်ထွေးပေးပြီး မျက်ရည်တွေ ၀ိုင်းလာတဲ့ သူမျက်နှာလေးကို ကြည့်ပြီး...ငိုချင်လိုက်တာ...။ ဘုရား၊ တရား ကို အားရုံပြု၊ မမေ့ဖို့ ပြောရင်း... ကိုယ် သူ့ရှေ့မှာ ငိုမိမှာ စိုးလို့ မြန်မြန် ပြန်လာခဲ့ရပါတယ်....။

တစ်ညလုံးလဲ အိပ်လို့ မပျော်ခဲ့တဲ့ ညပါပဲ.... နောက်နေ့ ကျတော့ ဖုန်းလာပါတယ်... သူ ညက ဆုံးသွားပြီတဲ့..။ မင်း ကိုယ့်ကိုများ စောင့်နေခဲ့သလား ကျော်ရယ်...။ ကိုယ် အရမ်းနဲ့ကို ခံစားရပါတယ် ကျေနပ်ပါတော့..။

(3) နှစ်လောက် လုံးဝ မတွေ့ရတဲ့ အချိန် အတွင်းမှာ ကိုယ် မင်းကို မေ့သင့် သလောက်မေ့ နေပြီ ကောင်လေး ရယ်..။ ခုတော့ မင်းဆုံးခါ နီး အချိန်လေး မှာတော့ ကိုယ့် တို့ ပြန်တွေ့ခွင့် ရခဲ့ပါရဲ့...။ ဒါပေမယ့် ကောင်လေး ရယ် အဟောင်းတွေ အသစ်ဖြစ်.... လုံးဝ ကို ပြန်မဆုံနိုင်တဲ့ နေရာ ကို မင်း အရင် ထွက်ခွာသွားခဲ့တယ်နော်...။ ခုဆို ကိုယ် ရွာပြန်ရင် မင်း နေခဲ့တဲ့ အိမ်လေး ကိုခိုးမကြည့်ရဲတော့ဘူး...၊ ဆိုင်ကယ် သံကြားရင် မင်းများလား လို့ မမျှော်လင့်ရဲတော့ဘူး.....။ အိမ်ရှေ့က ခုံတန်းလေးမှာလဲ ဆေးလိပ်မီး ရဲရဲ လေးကို တွေ့ရမလား လို့ .........

ပန်းရိုင်းလေး ရေ.... ခုတော့ မင်းဘယ်ရောက် နေပြီလဲ ကွယ်..........အေးချမ်းတဲ့ ဘုံဘ၀ တစ်နေရာမှာ လိမ်လိမ်မာမာလေး ရှိနေပါစေ ကောင်လေး ရယ်...။

ကိုရွာသား tag ထားတဲ့ ပိုစ့်လေးပါ..။ ကိုရွာသားရေ... ရေးချင်တာလေးတွေကို ရေးတတ်သလောက် ရေးပေးထားတယ်နော်..။

လွန်ခဲ့သော (3) နှစ်ခန့်က ကြွေလွင့်သွားသော ကိုယ့် ရဲ့ ပန်းရိုင်းလေး သို့ အမှတ်တရ...။

စားကြမယ်...... ပျော်ကြမယ်.............။

ဟုတ်ကဲ့ ပါရှင်..... ဖိတ်စာထဲက အတိုင်းပါပဲ....22/08/09 (စနေနေ့) အဲ့နေ့ မှာ အားလုံး ပျော်ကြရမယ်လို့ လဲမျှော်လင့်ပါတယ်...။ ဒီဓာတ်ပုံ မပါလာလဲ ရပါတယ်ရှင့်..... ဓာတ်ပုံထဲ ကလူကိုယ်တိုင် အိမ်ပေါက်ဝ မှာ ငုတ်တုတ်ထိုင် နေမှာပါ...။ စိတ်မပူကြပါနဲ့နော်....။ အားလုံးပဲ .... လာနိုင်မယ်လို့ မျှော်လင့်မိပါတယ်... တကယ်လို့ မလာနိုင်ရင်လဲ...နားလည်ပါတယ်ရှင်...............။

လာမည့်စနေနေ့ 22/8/2009 မှာ ဟောင်ကမ်းက မရောင်တို့အိမ်မှာ စုပြီးမုန့်စားပါမယ်။ စပွန်စာက အညီအမျှချစ်တဲ့ သီဟသစ် ၊ ကျန်ညီမ နှစ်ယောက် ဖြစ်တဲ့ နွေးနေခြည် နဲ့ မေဇင် တို့ပါ။
စားဖိုမှူးကြီး မစ် ထင်းထင်း ပါ။
လိပ်စာက
Blk 248, Huogang Ave 3,#6-426

Singapore 530248

အချိန်က နေ့လည် 12 နောက်ပိုင်းကနေ ညနေ 4 နာရီထိ(သီဟသစ် စံတော်ချိန် မဟုတ်)
အားလုံဆုံရအောင်တွေ့ကြမယ်လေ.
ကျေးဇူးပြုပြီးလာနိုင်မယ် မလာနိုင်ဘူး ဆိုတာ အကြောင်းပြန်ပေးပါ.......။

ဒါကတော့ ဓာတ်ပုံ ပိုင်ရှင် ရဲ့ မေလ်းထဲကနေ ဖိတ်ကြားလွှာပါရှင်......။း)

အားလုံးကိုယ်စား ပိုစ့်တင်လိုက်တာပါ... :D
ခင်တဲ့
မေဇင်

ဒီနေ့......... ကိုယ့် မွေးနေ့

"သမီးလေး ရေ..... ထတော့လေ ဒီနေ့ သမီးမွေးနေ့ အိမ်ရှေ့မှာ စံပါယ်တွေလဲ ပွင့်နေတာ ဖွေးနေတာပဲ... သမီး သွားခူးပြီး ဘုရားတင်.... မေကြီး ဆွမ်းတော်ပွဲ အဆင်သင့်လုပ်ထားပေးမယ်... သမီး မျက်နှာသစ် ပန်းခူးပြီးရင် ဘုရားကို ပန်း နဲ့ ဆွမ်းတော် ကပ်ရအောင်"

အသံနဲ့ အတူ စကားတွေတရပ်စပ်ပြောပြီး မေကြီး လာနှိုးလိုက်တဲ့ အချိန်မှာ ကိုယ်ဟာ မိုးအေးအေး မနက်စောစောမှာ အိပ်ရာက မထသေးပဲ နှပ်နေတဲ့ အချိန်ပေါ့….။

"အင်းးးးးးးးး ဟုတ် မေကြီး"

အပျင်းကြော တစ်ချက်ဆန့် ရင်း မေကြီး ကို ပြန်ဖြေလိုက်ပြီ့း  ပြတင်း တံခါးကို ဖွင့်လိုက်တယ် ဆိုရင်ပဲ အိမ်ရှေ့က ဖွေးဖွေးလှုပ်ပွင့်နေတဲ့ စံပါယ်ရုံ က ပျံ့ လွှင့် လာတဲ့ စံပါယ်နံ့မွှေးမွှေး လေးက စိတ်ကို လန်းဆန်းသွားစေပါသည်...။

အိမ်ပေါ်ကနေ တဒုံးဒုံး ပြေးဆင်းပြီး.... မျက်နှာကို သစ်တယ်ဆိုယုံလေး သစ်၊ သွားကို တိုက်တယ် ဆိုရုံလေး တိုက်ပြီး မေကြီး အသင့်ချထားပေးသော ဗန်းလေး ကို ကောက်ကိုင်ကာ စံပါယ်ရုံ ဆီသို့...........။

ပြီးတော့ ခူးလာသော စံပါယ်ပန်း လေးများကို ရေဆေး ၊ ပန်းကန် ပြားပြားလေးထဲ စေတီပုံလေး ထည့် ၊ မေကြီး ပြင်ပေးထားသော ဆွမ်းဗန်းလေး နှင့် ပန်းဗန်း လေးကို ကိုင်က ဘုရားကန်တော့ ၊ ပြီးတော့ ကိုယ့်မွေးနေ့ အတွက် ညဘတ် အိမ်မှာ ဓမ္မစကြာ ရွတ်ပေးမယ့် လူတွေကို ကျွေးမွေးဧည့်ခံ ရန်အတွက် အလုပ်ရှုပ်နေကြသော အိမ်နီးချင်းများ နှင့် အိမ်သားများကို လိုက်ကူ(ရှုပ်) ..........။

အဲ့ဒါ ကိုယ် အိမ်မှာ နေစဉ်က နှစ်စဉ် အမြဲ ပြုလုပ်ခဲ့သော ရိုးရှင်းသော ကိုယ့်မွေးနေ့လေးပါပဲ...။

ဒီလိုနဲ့ အိမ်ကနေ ဝေးကွာခဲ့တော့လဲ ..... ကိုယ့်အိမ်သားတွေက တစ်နှစ်မပြတ် စံပါယ်ပန်းခူးပြီး ဘုရားတင်၊ ဓမ္မစကြာ ရွတ်ပေးနေကြတုန်းပါပဲ....။ ကိုယ်..... မြန်မာပြည်မှာ နေပြီး အိမ်နဲ့ဝေးနေဲ့အချိန် ကတော့ ကိုယ်တိုင်ခူးခွင့် မရခဲ့တဲ့ စံပါယ်တွေကို မနက်စောစောထပြီး .... ဈေးမှာ သွားဝယ် ၊ ဘုရားတင် လုပ်ခဲ့ရတယ်.။

ခုဘယ်မှာလဲ.....ဒီနေ့ ကိုယ့်မွေးနေ့.... ကိုယ်စံပါယ်လေး တွေ နဲ့ ဝေးရတာလဲ ၂ နှစ်ပြည့်ပြီနော်...။ လွမ်းလိုက်တာ... ပြန်ချင်လိုက်တာ... မနက်စောစော နှိုးစက်မြည်သံ နေရာမှာ မေကြီးရဲ့ အသံလေး ကြားချင် လိုက်တာ..။

ဒီမနက် စောစောထတယ်.... အရင်က ဆွမ်းတော် မကပ်အားဘူး.... ဘုရားရှိခိုးပြီး ရုံးကို ပြေးရတာ... ဒီနေ့တော့ ဆွမ်းတော်ကပ်တယ်....၊ မေကြီး နဲ့ ဖေကြီးကို စိတ်မှာ အထူးအာရုံပြုပြီး ရှိခိုးတယ်.။ စံပါယ်လေးကတော့ ဘယ်နား ရှာရမလဲ မသိဘူးကွယ်...။ ညနေ ရုံးဆင်းရင် ဘုန်းကြီးကျောင်းသွားမယ်... ။ ကုသိုလ်လေးတွေ ရသမျှ လုပ်လိုက်ပါဦးမယ်....။

ဖေကြီး နဲ့ မေကြီးကို အရမ်းကျေးဇူးတင်ပါတယ်...။ လွန်ခဲ့တဲ့ 23 နှစ် နေ့လည် 13း0 မှာ ကိုယ့်ကို လူ့လောက ထဲ ခတ်ခတ်ခဲခဲ ရအောင် မွေးထုတ်ပေးခဲ့တဲ့ အတွက်ပါ.....။ တကယ်ကို ခတ်ခဲခဲ့ပါတယ်.... ကိုယ့် ခေါင်းက သူများထက်ကြီးတယ်လေ..... အဲ့ဒီခေါင်းကြောင့် မေကြီး သေခါနီးပဲတဲ့ ... အချိန်တော်တော်ကြာကြာ ဗိုက်နာရတယ်တဲ့... ဆေးရုံမှာ မမွေးပါဘူး... ၊ ကိုယ့် အိမ်မှာပဲ အိမ်နီးနားချင်း လက်သည်အဖွားကြီး တွေ နဲ့မွေးတာပါ..ဆရာဝန် .. မရှိတဲ့ ဆေးရုံနဲ့ ကိုယ့် ရွာလေးက 2 မိုင်ကျော်ဝေးပါတယ်..။

ကိုယ်တို့ရွာလေးက ဆေးရုံဆေးခန်း နဲ့ ဝေးကွာလွန်းတဲ့ အတွက် အရပ်လက်သည်တွေကိုပဲ အားကိုးရပါတယ်…။ အရပ်လက်သည် ဆိုတာကလဲ သူတို့မှာ ဘာဆေးပညာဗဟုသုတ မှ မရှိကြပါဘူး… ဒီလိုပဲ ရမ်းသမ်း ဟိုနှိပ် ဒီနှိပ်နဲ့ ပဲ ကလေးတွေ မွေးလာကြရတာပါပဲ… အန္တာရယ်လဲ အင်မတန်မှ ကြီးပါတယ်…။ တစ်ချို့ ဆိုကလေးတွေ အဖတ်မတင် တာတွေလဲ အများကြီးပါပဲ….အဲ့ဒီ ထဲကမှ ကိုယ်က ကံကောင်းလို့ ဒီက မောင်နှမ များနဲ့ သိခွင့် ကြုံခဲ့တာပါ..။ :P

မှတ်မှတ်ရရ ကိုယ့်ကို မွေးခဲ့ပေးတဲ့ အဖွားကြီး 3 ယောက်နာမည်က ၊ ဒေါ်အေးဆေး ၊ ဒေါ်အေးမှတ်၊ ဒေါ်အေးချယ် တဲ့.... အားလုံး ရဲ့ နာမည်တွေမှာ 'အေး' ပါတဲ့အတွက်.....၊ မိုးတွေ ရွာနေတုန်း၊ ကြာသာပတေး နေ့မှာ မွေး လို့ မေကြီး က 'မိုးအေး' လို့ နာမည်တပ်ပါသတဲ့ ၊ ဒါပေမယ့် ဖေကြီး ပေးတဲ့ နေ့နံသင့် ကိုယ့်နာမည်........ နန်းမေဇင်အေး က အတည်ဖြစ်သွားပါတယ်ရှင်...။

ဒီနေ့တော့.....၊ ကိုယ့်ကို မွေးခဲ့တဲ့ ဖေကြီးနဲ့ မေကြီး ကို အထူးလွမ်းတယ်၊ စပါယ်ရုံကြီး ရှိတဲ့ အိမ်ကို အထူးလွမ်းတယ် ၊ ဓမ္မစကြာ ရွတ်မယ့်လူတွေကို ကျွေးမွေးဖို့ လုပ်ကူနေကြမယ့် အိမ်နီးချင်းတွေကို အထူးလွမ်းတယ်.. ။

အသက် 23 နှစ်သာ ပြည့်သွားတယ်... မရင့်ကျက်သေးတဲ့ ကိုယ့်ကိုယ်ကိုယ် လဲ အမြဲ ဆုံးမနေရတယ်...။

ဖေကြီး နဲ့ မေကြီး တို့ရဲ့ ကျေးဇူးတွေကို စိတ်မှာ ရည်းစူး ပြီး ဒီပိုစ့်လေးကို ရေးလိုက်ပါတယ် ရှင်...။

ကိုယ့် ရဲ့ ခုတလော လေးက

ဟုတ်ကဲ့.....ခုတလော အလုပ်လေးနဲနဲများနေလို့(လယ်စိုက်ရင်း) ၊ ဘလော့ လေးကိုမ၀င်ဖြစ်တာတောင် ကြာပါပြီရှင်....။

ဒါပေမယ့် ကိုဗီလိန် နဲ့ ကိုမိုးကုတ်သား တို့ တဂ့်ထားတဲ့ ခုတလော လေးကို ခုတလော မှာမှ မတင်ရင် ခုတလော ခေတ်ကြီးထဲမှာ ခေတ်မမှီပဲ နေမှာစိုးလို့ တင်လိုက်ပါ့မယ် ရှင်.... အလုပ်တွေ ရှုပ်တဲ့ကြားက ရေးပေးရတာ ဖြစ်လို့ နားလည်ပေးပါနော်း)...။

တွေးနေမိတာက ။ ။ ကိုယ့် မိသားစုကို အသိမပေးပဲ တိတ်တိတ်လေး ..... ပြန်သွားပြီးတော့ ( ၀ါးးးးးးးး ) ဆိုပြီး ခြောက်လှန့် လိုက်ရင် အံ့သြ ၀မ်းသာ ပျော်ရွှင်သွားမယ့် ကိုယ့် အိမ်သားတွေရဲ့ မျက်နှာတွေကို တွေ့ရမှာပဲ...ပြီးတော့ ၀မ်းပန်းတသာ အော်ဟစ် ရယ်မြူးလိုက်မယ့် အသံတွေ....ကြားရမှာပဲ..။

ကိုယ့်ကိုယ်ကိုယ်ပြန်ဆင်ခြင်မိတာက။ ။ ငါတော်တော်လွန်နေပြီ....(အလုပ်မလုပ် ပဲ ဂိမ်းပဲ ဆော့နေတယ်).။

ကျန်းမာရေး ။ ။ ခုတော့ တော်တော်လေး ကိုကျန်းမာနေပါတယ်...၊ အပျင်းရောဂါ တစ်ခုက လွဲရင်ပေါ့..။

ဖတ်ဖြစ်နေတဲ့ စာအုပ်တွေက ။ ။ ဘာမှကို မဖတ်ဖြစ်ပါဘူး ရှင်.....။

ရောက်ဖြစ်နေတာက။ ။ လူကတော့ ရုံး နဲ့ အိမ် ပေါ့ ။ စိတ်ကတော့ ရောက်ချင်ရာ ရောက် ....။

ရေးဖြစ်နေတာက။ ။ ဘာမှလဲ မရေးဖြစ်ပါဘူး ရှင်... အလုပ်တွေတကယ်ကိုများတယ်.. အပြိုင်အဆိုင် တွေနဲ့ (level ဘယ်လောက်ရောက်ပြီးလဲ ပြိုင်တဲ့ လယ်တောထဲမှာပေါ့)....။

နားထောင်ဖြစ်နေတာက ။ ။ နားထောင်တယ်ရယ်လို့တော့ ဟုတ်ဘူးပေါ့... ဒါပေမယ့် အိမ်ရောက်တာ နဲ့ အဖြူရောင်သံစဉ် ဖွင့်ထားလိုက်တယ်... ကိုယ့်စိတ်ထဲ ကြိုက်တဲ့သီချင်း လာတော့လဲ နားထောင်ပေ့ါ...။

ရွတ်နေမိတာက။ ။ ငါ မကောင်းဘူး ငါတကယ် မကောင်းဘူး..စိတ်တွေကိုပြင်လိုက် ၊ ကိုယ့်စိတ်ကိုယ် ထိန်း ... အလုပ်ချိန်မှာ ဂိမ်းမဆော့နဲ့ အလုပ်တွေကို ကောင်းကောင်းလုပ်...။

ဖြစ်ချင်နေတာက ။ ။ အင်း...တခုထဲတော့ မကဘူး တော်တော်များတယ်...၊ လောလောဆယ် ပီအာ ဖြစ်ချင်တာ... Rejected တဲ့ :P...။ နောက်တစ်ခုက ...... အလုပ်ကို လုပ်ချင်ရင် လုပ်မယ် ၊ မလုပ်ချင်ရင် မလုပ်လို့ ရတဲ့ ဘ၀ ပေါ့....။

စားဖြစ်နေတာက ။ ။ ခုတလော.... သူ ဟင်းတွေ ချက်ပို့ပေးနေတယ်.. သူ ချက်ပို့ပေးတဲ့ ဘာဟင်း ဖြစ်ဖြစ် စားဖြစ်နေပါတယ်...။

သနားနေမိတာက ။ ။ ကိုယ် တို့ သူဌေး ကို ၊ ၀န်ထမ်းတွေ လုပ်ချင်ရာ လုပ်နေကြတယ်... ဂိမ်းဆော့ တယ်(ကိုယ်လိုလူတွေ တော်တော်များ ) ၊ Chatting ၀င်နေကြတယ်..... သူဌေး မသိဘူးထင်တယ်...၊ လစာတွေ ပေးနေရတယ်...။

လွမ်းနေမိတာက ။ ။ ပြီးခဲ့တဲ့အရာရာ တိုင်းကို လွမ်းသလို စဉ်းစားရင် လွမ်းတယ်...။

မေ့လျှော့ပစ်နေမိတာက ။ ။ မိသားစု ကျန်းမာရေး.... စဉ်းစားလေ ရင်ပူလေ ပဲ... ဒါကြောင့် ကိုယ်တတ် နိုင်တာအစွမ်းကုန် လုပ်ပေးမယ် ကျန်တဲ့ ကျန်းမာရေးပိုင်း ကိုတော့ မေ့လျှော့ပစ်ထားမိတယ်...တွေးနေလဲ ကိုယ် ဒီကနေ ဘာမှ ပြုစုပေးနိုင်စွမ်း မရှိဘူးလေ... ရင်မောရလို့....။

ခါးသက်နေမိတာက ။ ။ သောက်နေရတဲ့ ဆေး နဲ့ လျှာ နဲ့ ထိမိချိန်...။

တမ်းတနေမိတာက ။ ။ ကျန်းမာ ပျော်ရွှင် မိသားစုဘ၀... ။ (ကျန်းမာရေး မကောင်းတဲ့သူ ရှိတဲ့ မိသားစု ဘ၀ ဟာ... ပျော်ရွှင်မှုတွေလဲ ဆိတ်သုန်း ရတယ်..။)

ကြိတ်ပြီးချီးကျုးနေမိတာက ။ ။ ကြိတ်ပြီးလဲ ချီးကျူးတယ် ၊ ပေါ်တင်လဲ ချီးကျုးတယ် ၊ သူမကတော့ ကိုယ်ကျိုးစွန့်ထားသော်လည်း..... စွမ်းဆောင်နိုင်ခွင့် မရသေးသောသူ... ။

ကြိတ်ပြီးအထင်သေးနေမိတာက။ ။ ကြိတ်ပြီးလဲ အထင်သေးတယ် ၊ ပေါ်တင်လဲ အထင်သေးတယ်... အရှက်မရှိတဲ့ သူတွေကိုပေါ့....။

ဆန္ဒမရှိတဲ့နေရာ ။ ။ သင်္ချိုင်းကုန်း.... သရဲ ကြောက်လို့...း( ။

ဆန္ဒရှိတဲ့နေရာ ။ ။ အမေ့အိမ်

မုန်းတီးနေမိတာက။ ။ စဉ်းစားရင်တော့ မုန်းတယ် ၊ မိသားစုနဲ့ခွှဲနေရတာ သူတို့ကြောင့်ဆိုပြီး ၊ ဒါပေမယ့် ဒီတိုင်းပဲမတွေးမိပဲ နေရင်တော့ ဘယ်သူ့ကိုမှ မုန်းမနေဘူး..။

ချစ်နေမိတာက ။ ။ မိသားစု ၊ သူ (ဟင်းတွေ ချက်ပြီး ပို့ပေးနေလို့) ...။း)

စိတ်ပျက်နေမိတာက။ ။ ကိုယ့်ဘာသာပေါ့... ဂိမ်းကြီးပဲ ဆော့၊ ဘလော့ ရိုးကိုးပေါက်လည်..အလုပ်မလုပ် ဘူးလေ. ရုံးမှာ...။း(

စွဲလမ်းနေမိတာက ။ ။ ဘလော့ နဲ့ ယာတောလေး..(ခုတလော နော်) .... ။

လိုအပ်နေတာ ။ ။ ငွေ ၊ ငွေ ၊ ငွေ.... ကြီးပဲတော့ မဟုတ်ဘူးပေါ့...ဒါပေမယ့် သူ(ငွေ)ရှိရင် လိုအပ်ချက်တွေ တော်တော်များများ ပြည့်စုံတယ်လေ...။ :P

တောင်းနေမိတဲ့ ဆု ။ ။ ဖြစ်ချင်တာတွေကို ဆု အဖြစ် မတောင်းတတ်ဘူး...။

ထပ်ပြန်တလဲလဲ အော်ဟစ်နေမိတာက ။ ။ အာ.... ဒီ connection ကလဲ.... ကြာလိုက်တာ သူ့ စောင့်ရတာနဲ့ အလုပ်တွေ တော့ လွတ်ကုန်ပါပြီ....(လယ်ထဲမှာ သူရင်းငှား လိုက်လုပ်တာလေ ... ခုတလော ဆိုတော့ ခုတလော အဲ့ဒါပဲ လုပ်ဖြစ်နေတာကိုး ) ။

ဝန်ခံချင်တာက ။ ။ ဘာရေးရမလဲ မသိဘူး ဖြစ်နေချိန်မှာ... ဒီလိုပေါ့ပေါ့ပါးပါး လေး တဂ့် လာပေးတဲ့ အစ်ကိုတော် နှစ်ယောက် ကို ကျေးဇူးတင်ပါတယ် လို့..........း) ။

ခုရေးထားတာလေး တွေက ခုတလော လေးအတွက်ပါ.... အမြဲ တမ်းအတွက်တော့ မဟုတ်ဘူးပေါ့...။ ဥပမာ ဂိမ်းဆော့တာ... တကယ့်ကို ခုတလော လေးပါ....း) ။

နောင့် ခုတလော သူတို့ ဘာလုပ်နေတယ်ဆိုတာ ဆက်ပြီးတော့ သိချင်နေမိတယ်.....။

ငှက် ၊ ထောထော ၊ နွေး (သူကတော့ ပြန်လာမှ ရေးပေးမယ်တဲ့) ဘယ်အချိန် ရေးရေး... ၊း)

ကိုယ် သိသော.... အချစ်ဆိုသည်မှာ...

" ဒီကြက်ခေါင်းကြီး မကြိုက်ဘူးလေ.... ကိုကြီး ကဘာလို့ နောင့်ပန်းကန်ထဲ လာထည့်ပေးတာလဲ"

"ညီမလေးပဲ ကြက်ရိုး ကိုက်ချင်တယ်ဆို “

"နောင့်..ပြောတာ ကြက်ရိုး ၊ ကြက်ခေါင်း ဟုတ်ဘူး"

"မေကြီးပန်းကန်ထဲ ထည့်လိုက်သမီးလေး...မေကြီးကြိုက်တယ်"

အဲ့ဒီအချိန်ထဲက မေကြီး ကြက်ခေါင်းပဲ အမြဲစားရတော့တယ် ။ တစ်ခါတစ်လေ... မေကြီး ပုဂံထဲက ကြက်ခေါင်းကို ဖေကြီးက တစ်ခါတစ်လေ ယူစားတာတွေ့ပေမယ့်...အဲ့ဒါ မေကြီး တကယ်မကြိုက်လို့ဆိုတာ အဲ့ဒီတုန်းက မသိခဲ့ပါဘူး.....။

"သမီးလေး...ညကချောင်းတွေဆိုးနေလို့... စောင်များကွာနေလား ထကြည့်တော့ ၊ သမီးလေး ကမကွာဘူး၊ သားကြီးက စောင်နဲ့လူတခြားစီ၊ သမီးကြီး ကလဲ အိပ်လိုက်တာသိုးလို့"
အဲ့ဒီလို ညတိုင်း အိပ်ပျက်ခံပြီး စောင်ကွာမကွာထကြည့်ပေးခဲ့တဲ့ မေကြီး ရဲ့ ချစ်ခြင်းက ကိုယ့်အတွက် မေကြီးခြုံပေးထက်စောင်တဲ့ နွေးခဲ့တယ်။

" သမီးကြီး အတွက်ဈေးထဲနာရီ ၀ယ်ဖို့သွားရင်း၊ ငါ့သားကြီး ဆိုဆိုနေတဲ့ အဆိုတော်ရဲ့သီချင်းစာအုပ်တွေ့လို့ ၀င်ရွေးနေတာ ၊ ပြီးတော့ သမီးလေး စပျစ်သီးကြိုက်တာ သတိရလို့ မြို့ရောက်တုန်းလေး ဆိုပြီး သွားဝင်ဝယ် တာကွာ..... ကားမမှီလို့ မနဲ တော်တော် ဝေးတဲ့ အထိ ပြေးလိုက်ရတာ ငါ့နှယ် မောလိုက်တာ...၊ ဒါပေမယ့် သူတို့ လိုချင်တာလေးတွေ ၀ယ်လာရလို့ မောရကြိုးတော့ နပ်ပါတယ်"

ညကြီးမိုးချုပ်မှ မောမောပန်းပန်း ပြန်လာပြီး အမောမဖြေအားပဲ ကိုယ် တို့လိုချင်တဲ့ ပစ္စည်းလေးတွေ ထုတ်ပြပြီး ပြောခဲ့တဲ့ ချစ်ခြင်းအပြည့်နဲ့ဖေကြီး စကား စပျစ်သီးလေးထက် ချိုခဲ့တယ်....။
အဲ့ဒါ တွေက ကိုယ် အိမ်နဲ့ မဝေးခင်ထိ ကြုံခဲ့ ရတဲ့ ချစ်ခြင်း.... ဘယ်အရာကိုမဆို ...သားသမီးတွေ အတွက် တွေးပြီး မိမိဆန္ဒဆိုတာပျောက်ဆုံးနေခဲ့တဲ့ ဖေကြီး နဲ့ မေကြီး ရဲ့ အချစ်တွေပေါ့...။

ဒီလိုနဲ့ ၁၀ တန်းအောင်လို့ ကိုယ် တောင်ငူမှာကျောင်းလာတတ်ရင် အဆောင်နေရပြန်တယ်....။


" ဟဲ့ နှင်းနှင်း...... နင် နဲ့ ဇော်မောင် ကြိုက်နေကြပြီဆို ၊ ဘယ်လို ကဘယ်လို ကြိုက်သွားတာလဲ "

" ဇော်မောင် က ငါ့ဆီကို နေ့တိုင်းလာနေတာ .... နင် အသိပဲ နောင့် ရယ်.. ၊ သူ မလာရင် ငါမျှော်တယ် ...၊ သူရောက်လာရင် ငါပျော်တယ်..... အဲ့ဒါ ငါ သူ့ကို ချစ်လို့ပေါ့ .... အဲ့ဒါကြောင့် သူတောင်းထားတဲ့ အဖြေ ပေးလိုက်တာ "

အင်း..... ကိုယ်ထင်တယ် ... အဲ့ဒီ အချစ် ကတော့ နီးစပ်မှုကြောင့်ဖြစ်မယ်လို့ ....။

ကျောင်းပြီးလို့ ရန်ကုန်မှာ အလုပ်ထဲရောက်ပြန်တော့...
"ကေသီ.... ဟိုမှာ... နင့် မောင် စောင့်နေပြီ၊ အချိန် အတိအကျပဲနော် ၅ နာရီ "

"ဟာ...မောင် ကလဲ ရုံးရှေ့အထိ လာမကြိုဖို့ပြောထားတယ် နောင့် ရဲ့ ... အဲ့ဒါကို လာကြိုတယ် စိတ်တိုလိုက်တာ"

ရုံးအတွင်းခန်းထဲကို ကြည့်ပြီး ပစ္စည်းတွေ ကပြာကရာ ကောက်ထည့် ထွက်သွားတဲ့ ကေသီ နဲ့ သူ့ ချစ်သူ မောင်တို့ရဲ့ လိုက်ဖတ်ညီလှတဲ့ အတွဲလေးကို ငေးပြီး ကြည်နှုးမိတယ်..။ သူတို့အတွဲလေးက တစ်ယောက်ကိုတစ်ယောက် သိပ်ချစ်ကြပြီး ချောတာချင်းလဲ ညီလို့ ကိုယ်သိပ်သဘောကျတဲ့ အတွဲလေးပေ့ါ..

ဒါပေမယ့် တစ်နေ့မှာ တော့ ကေသီ ပြောလိုက်တဲ့ စကားတစ်ခွန်း..

" ဟုတ်တယ် နောင့်... ငါ ကိုအောင့် ကို လက်ခံလိုက်တယ်.... မောင့် ကိုသိပ်ချစ်ပေမယ့်... မောင် ကငါအထင်ကြီး လာအောင် မစွမ်းဆောင်ပြနိုင်ခဲ့ပါဘူး.... ငါ နဲ့ မောင် ဘွှဲ့ရတာချင်းတူတူ ခုချိန်ထိ မောင် ဝေလေလေ လုပ်လို့ကောင်းတုန်းပဲ.. ကိုအောင်ဆိုရင် ငါတို့နဲ့ အသက်ဘယ်လောက်မှ မကွာပေမယ့် ငါတို့ ရုံးမှာ ရာထူးချင်း ဘယ်လောက်ကွာထားလဲ... ၊ သူဌေး နဲ့ စကားပြောနေရင်များ ပိုင်ပိုင်နိုင်နိုင် ရွံ့နေတာ ကြောက်နေတာ မရှိဘူး ငါငေးကြည့်နေခဲ့ရတာ ခဏခဏပဲ... မောင့် ကိုလဲ သူ့လိုဖြစ်စေချင်တယ်...ချစ်ခဲ့တဲ့ ၅ နှစ်အတွင်း သံယောဇဉ်တွေကြောင့် ငါ မောင့်ကို သည်းခံ စောင့်နေခဲ့တာ...ခု ငါ အထင်ကြီးတဲ့ ကိုအောင် ကငါ့ကို ချစ်ခွင့်ပန်လာတော့ ငါ မငြင်းချင်ဘူးလေ "

သြော် ... အချစ်ဆိုတာ အထင်သေးရင် ပျောက်ကွယ် တတ်ပြီး အထင်ကြီးမိရင် ဖြစ်ပေါ်တတ်တာပဲနော်...။

နောက်တစ်မျိုးကြတော့.......

"ဘာရယ်.. မမ နဲ့ အောင်သူ ... ဟုတ်ပါ့မလား သွယ် ရယ် နင်ကလဲ"

"နင် မယုံရင် မေးကြည့်ပေါ့... ဟုတ်ပါတယ်ဆို ငါ့ မျက်စိနဲ့ သေချာမြင်ခဲ့တာ "
အဲ့ဒီအချိန် ရုံးထဲ ၀င်လာတဲ့ မမ ကြောင့် ကိုယ်တို့တွေ မသိမသာ စကားလွှဲလိုက်ရတယ်..။ <

ဟုတ်တယ်....မေဇင် ၊ အဲ့ဒီလို အောင်သူ က သူများ ခိုင်းတာတွေကို မညီးမငြူ စေတနာ နဲ့ သွက်သွက်လက်လက် ကူညီနေတာကို ကြည့်ပြီး မမ သနားခဲ့တယ်... ၊ မမလဲ မထင်ခဲ့ပါဘူး.... ဒါပေမယ့် မမ သနားပြီး ချစ်သွားမိတယ် "

ရုံးက အရာရှိ မမ နဲ့ ရုံးစားရေး တောက်တိုမယ်ရ လိုက်ကူတတ်တဲ့ အောင်သူ တို့ရဲ့ ဇတ်လမ်းက သနားခြင်းက စတယ်တဲ့.....။

ကဲရှင်.............အချစ် ဆိုတာ
ဖေကြီး နဲ့ မေကြီး ၊ ကိုယ်တို့ အပေါ်ချစ်တဲ့ အချစ် နဲ့အတူ
နီးစပ်မှု ကြောင့်လား.....
အထင်ကြီးမှု ကစတာလား.....
သနားခြင်းက စတာလား.....
အဲ့လို အချစ် အမျိုးမျိုးတွေ တွေ့ခဲ့ဖူးပါတယ်...။
တစ်ချို့ကလဲပြောပြန်တယ် မျက်စိ ကစတာတဲ့...

ဒါပေမယ့် သေချာတာကတော့ ချစ်ပြီးရင် ပူပင်သောကတွေ လာတော့မယ်..။ ပျော်စရာတွေလဲ ကြုံရမှာပဲ..။ မိဘတွေက တော်တဲ့ လိမ္မာတဲ့ သားသမီးတွေ အတွက် ပျော်ရွှင် ကြည်နှုးရသလို ၊ ဆိုးတဲ့ သားသမီးတွေ အတွက် ပူပင်သောကတွေ များရမှာပါပဲ...။

ဒီလိုပဲ ချစ်သူတွေ ရဲ့ ကြားမှာလဲ ....... ပျော်စရာ၊ စိတ်ကြည်နှုးစရာတွေ ရှိသလို့ မျက်ရည်နဲ့ ရောစပ်ထားတဲ့ ပူပင်သောကတွေလဲ အများကြီး နေမှာပါ..။
ဒါပေမယ့် လူတိုင်း(ပုထုဇဉ်) အချစ်နဲ့ ကင်းနိုင်မှာ မဟုတ်ဘူး ထင်ပါတယ်ရှင်....။ အပျိုကြီး ၊ လူပျိုကြီးများ ဖြစ်လင့်ပစေ.. ကြုံခဲ့ဖူးကြမှာပါ... ၊ နောက်ဆုံး ကိုယ့် မိဘ မောင်နှမ အပေါ်တော့ ချစ်ဖူးကြမှာပါနော်...။

ကိုယ့် အတွက်ကတော့ အချစ်ဆိုတာ……… ၊ အထင်ကြီး ၊ အားကိုးခြင်း ၊ မြတ်နိုးကြင်နာခြင်း ၊ ပေးဆပ်၊ ရယူခြင်း .... ;)

ကိုယ့် ရဲ့ ချစ်သူကို မေးကြည့်တော့….

“အချစ်ဆိုတာ … ကိုယ့်အတွက်တော့ နောင့်နောင့် ပါပဲ” တဲ့ ။

“ကိုယ့် ဘ၀ တစ်လျှောက်လုံး နောင့် နဲ့အတူ လက်တွဲသွားရမယ်ဆိုရင် ပြည့်စုံပြီလို့ ခံစားရတယ်” တဲ့….။

သူက အဲ့ဒီလောက်ပဲ ပြောတယ်… ၊ ကိုယ် လဲထပ်မေးဖို့မလိုအပ်တော့ပါဘူးလေ…၊ တစ်ခါတစ်လေ အများကြီးပြောတာထက် စိတ်ချင်းဆက်သွယ်ပြီး ပြောနေရတာ ပိုကောင်းတယ် မဟုတ်လား…..။

မက်မက်လေး ရေ…… ကိုယ်သိခဲ့ဖူးတဲ့ အချစ်အကြောင်းလေးတွေကို သိသလောက် တတ်သလောက်လေး ရေးထားတယ်နော်…။ စိတ်ကျေနပ်မှုမရှိသော်လဲ… ကျေနပ်ပေးပါနော်။

အဖော်မွန်လေး အတွက် ကျေးဇူးပါ။ (Tag Post)

"အစ်မ..."

" အေး "

" အစ်မ..အားရင် ... ဒါလေး http://www.monethu.blogspot.com/

နှိပ်ပြီး ဖတ်ကြည့်ပါဦးနော်... ဟိဟိ ...အစ်မ မရီရဘူးနော်.."

" အေး "

အဲ့ဒါ ကိုယ့်ဘလော့လေး ရဲ့ အဖွင့်ပါပဲ......။ ဘလော့တကာကို လည်နေတာ ကြာပါပြီ ...ဒါပေမယ့် comment လေးတောင် မပေးတတ်ခဲ့ပါ ဘူး..။ comment ပေးမယ် ကြိုးစားလိုက်တိုင်း မအောင်မြင်တာ နဲ့ပဲ... စာဖတ်ပြီး တစ်ခုခုကို ပြောချင်စိတ် အရမ်းပေါက်လာခဲ့ရင် C box ထဲမှာ နဲနဲ တော့ ၀င်ပြောခဲ့တယ်..။ အဲ့ဒါ ကပြောရ လွယ်ပေမယ့်...ကိုယ်ပြောချင်တာ အကုန်လဲ မပြောရဲဘူးလေ အဲ့ဒီ C box ကိုနှုတ်ဆက်ရုံလေး အတွက် လုပ်ထားတာလို့ထင်ခဲ့တာကိုး ။

ဒီလိုနဲ့ပဲ လိုက်ဖတ်ရင်း မမမိုးချိုသင်း.ဘလော့လေးထဲ ရောက်သွားရော ။ အမြဲဝင်ဖတ်ဖြစ်ပြီး တစ်ခုခု ပြောချင်ရင် Cbox ကအဲ့ဒီဘလော့လေးထဲ မှာမရှိဘူး ...ဒါနဲ့ပဲ ဘာပဲဖြစ်ဖြစ် comment ရအောင် ပေးမယ် ဆိုပြီး bogger sign up ကိုနှိပ်လိုက်ပြီးတော့ မရ ရအောင် လုပ်လိုက်တာ ပေးလို့ရသွားတယ် ။ အဲ့ဒီလို လုပ်ပြီးပေမယ့်...အဲ့ဒါ blog တစ်ခု ဖွင့်ထားတာမှန်းလဲ သတိမထားမိသေးပါဘူး.....။

တစ်နေ့ တော့ ကိုယ့် ရဲ့ gmail password ပြောင်းမယ် ဆိုပြီး account setting ထဲကို ၀င်လိုက်တော့ blogger ဆိုပြီး တွေ့ပါတယ် ။ ကိုယ်လဲ ဘာမှန်း မသိပဲ click နှိပ်လိုက်တော့ Posting box ကျလာပါတယ် ။ အဲ့ဒါနဲ့ Title မှာ ... ကိုယ် စင်္ကာပူ ဘာကြောင့်ရောက် လို့ ရိုက်ထည့်ပြီး ... အောက်က box မှာ ရောက်လာရတဲ့ အကြောင်းလေးတွေကို စိတ်ထဲ ရှိသမျှ ချရေးလိုက်တာ စဉ်းစားစရာတောင် မလိုဘူး စိတ်ထဲမှာ ရှိနေတဲ့ အကြောင်းအရာတွေပဲ ။ ရေးလဲပြီး ရော.... publish post ဆိုတာကို နှိပ်ချလိုက်တော့ View blog တဲ့... ကြည့်လိုက်တော့.... ကိုယ်အမြဲ သူများ တွေထဲ ၀င်ဝင်ဖတ်နေတဲ့ တကယ် blog လေးတစ်ခု ကိုဖန်းတီးမိသွားပြီဆိုတာ သိလိုက်ရတယ် (အိမ်လေး မလှတာက လွဲပြီး) ။ စိတ်ထဲ ... ပျော်သလိုလို ဘာလိုလို ဟာတာတာ နဲ့ ဘယ်လို ခံစားချက်မှန်းလဲ မသိဘူး... တစ်ယောက်ယောက်ကိုလဲ အရမ်းပြောပြ ချင်တာနဲ့ ကိုယ့် နဲ့ ၀ါသနာတူ မမပဲခူးသူ (မြန်မာပြည်မှာတုန်း ကကိုယ့်မန်နေဂျာ) ကို လင့်လေး ခုလို ပေးပြီး ပထမဆုံး မျှဝေလိုက်တယ် ။

" အစ်မ.... ဟိဟိ ကောင်းလား.. နောင့် ကိုယ့်ဘာသာ blog လေးလုပ်တတ်သွားပြီနော် အစ်မ.. ပျော်လိုက်တာ ဘယ်သူမှလဲ မသိကြဘူး အမပဲ သိတယ် ၊ .. သိလား "

" အေး ...မဆိုးပါဘူး...ဘယ်သူမှ မသိလဲ ငါ ဖတ်ပေးမှာပေါ့...ဆက်သာရေး " တဲ့

အဲ့လို အားပေးမှု ရခဲ့ပါတယ် ။ အဲ့ဒီတုန်းကများ ... ပျော်လိုက်တာ ... c box လဲမရှိ comment ဆိုတာ ဘယ်နေမှန်း မသိတဲ့ ကိုယ့်ရဲ့ တစ်ပုဒ် ထဲသာ ရှိတဲ့ blog အသစ်မပြည့်မစုံလေးကို ကြည့်မ၀ဘူး ။

ကိုယ်က ရုံးရောက်တာနဲ့ ကွန်ပြူတာ စဖွင့်ပြီ ဆိုတာနဲ့ မမနိုင်းနိုင်း ထဲအရင်ဝင်ပြီးတော့ အဲ့ဒီက လင့်လေးတွေက တစ်ဆင့် အိမ်လည်တာပါ။ ကိုယ့် မှာ blogအသစ်လေးပိုင်ဆိုင်ပြီး နောက်နေ့လဲ အစဉ်အလာမပြတ် အဲ့လို လည်ပြီး comment ပေးချင်တဲ့ အိမ်လေးတွေမှာ ၀င်ပေး ပြီးတော့မှ ကိုယ့် အလုပ်ထဲကို ပြန်လာတယ်။ အလုပ်ထဲ ရောက်ပြီးတော့မှ ကိုယ့် blog လေးကို သတိတရ ၀င်ကြည့်လိုက်တော့ 1 comment တဲ့ .... ကိုယ့် စိတ်ထဲသိချင်စိတ်တွေနဲ့ ဘယ်လိုဖြစ်သွားလဲ မသိဘူး.... ကိုယ့် ကို ပထမဆုံး ၀င်ပြီး comment ပေးတာက ကိုမင်းအိမ်ဖြူ.ပါ ။ တကယ်ကို ကျေးဇူးတင်ပါတယ်။ အရမ်းကိုလဲ ၀မ်းသာ ခဲ့ပါတယ် ....။

နောက်နေ့ အိမ်လည်တော့ ကိုယ့်ရဲ့ ဘလော့လေး ကိုပထမဆုံး လင့်ချိတ်ထားပေးတဲ့ အိမ်က ကိုဗီလိန်. ပါ ။ တွေ့တွေ့ချင်း ကြောင်သွားတယ်...ဟုတ်မှ ဟုတ်ရဲ့လား ပေါ့ ... နောက်ပြီး ကိုယ့်ကို ကိုယ်သိပ်ကြိုက်တဲ့ အသိုင်းအ၀ိုင်းက အသိအမှတ်ပြုတာခံရတဲ့ ခံစားချက်လေး.....အရမ်းပျော်ပါတယ်။ တကယ်သိပ်ပြီး ကျေးဇူးတင်ခဲ့ရပါတယ်။

အဲ့ဒါလေးတွေက ကိုယ့်မှာ စိတ်ထဲရှိတဲ့ ရေးချင်တာလေးတွေကို ရေးဖို့ အင်အားတွေ ဖြစ်ခဲ့ရပါတယ် ။ ဒီလိုနဲ့အိမ်လေးကို လူနဲနဲချင်း သိခဲ့ပါတယ်ရှင် ။ ပြီးတော့ C box ချိတ်နည်းကို comment ထဲမှာ လာရေးပြီး သင်ပေးတာက မမသက်ဝေ.cbox လေးချိတ်ပြီးတဲ့ နေ့ကလဲ ပျော်တာပါပဲ။ နောက်ပြီး ခုလက်ရှိ အိမ်လေးထဲမှာ ရှိနေတဲ့ ပစ္စည်းလေးတွေကို ထည့်ပေးတဲ့ မေလေး. နဲ့ ထောပတ်သီး ... ။

အိမ်လေး ထဲကို လာလည် တတ်ကြတဲ့ ကိုယ့် ရဲ့ အစ်ကို၊ အစ်မ၊ မောင်လေး၊ ညီမလေး တွေ အားလုံးကို အကုန် နံမည်တွေကို ချရေးရရင်ဖြင့် ပိုစ့်တစ်ခု ဘာမှ မရေးရပဲ အရမ်းရှည်သွားမှာမှာစိုးလို့ပါ ။ စိတ်ထဲမှာ အားလုံးကို အထူးကျေးဇူးတင်ပါတယ် ။

နောက်ပြီး ကိုယ့် အိမ်လေးထဲက စာပုဒ်အရေ အတွက် မများသေးလို့လားတော့ မသိဘူး .... ဘယ်ခေါင်းစဉ်အောက်မှာ comment ကဘယ်နှစ်ခု ဆိုတာကို အားလုံး မမှတ်ထားရပါပဲ စိတ်ထဲစွဲနေပါတယ်...။ ပြီးခဲ့တာ ရေးခဲ့တာ အချိန်နဲနဲ ကြာသွားပြီ ဖြစ်တဲ့ စာလေး များကို ဖတ်မယ့်လူ မရှိ comment ပေးမယ့်သူမရှိဘူးဆိုတာ သိသိရက်နဲ့ နေ့တိုင်းနီးပါး ပြန် ပြန် ကြည့်တတ်ပါတယ် ။ တစ်ခါ တစ်လေ များအသစ်တစ်ခု လောက်များတိုးနေတာတွေ့ရင် အရမ်းဝမ်းသာတာပါပဲ... အသိအမှတ်ပြုခြင်း သဘောကို ဆောင်တယ်လို့ ယူဆတယ်လေ။ comment ဆိုတာ အင်အားတစ်ခုပါပဲ ..။ အဲ့ဒါကြောင့် ကိုယ့်လဲ သူများ အိမ်တွေ သွားရင် တစ်ခုခုတော့ ခြေရာလေး ချန်တတ်ခဲ့ပါတယ်။

ဒါပေမယ့် တစ်ချို့ကျတော့လဲ အချိန်အား မရှိတာ ကိုယ်ချင်းစာပါတယ် ....ကိုယ့်အိမ်ကို လာလည်တာလေးကိုပဲ အရမ်းကျေးဇူးတင်ရပါတယ် ။

နောက်ပြီး ကိုယ့် ခံစားချက်လေး တစ်ခုက မောင်နှမတွေ အားလုံးကို စိတ်ထဲရင်းနှီးချစ်ခင် နေတာပါပဲ...။ အိမ်လေးတွေ လိုက်လည် စာလိုက်ဖတ်ပြီးရင် .... အဲ့ဒီ အိမ်ပိုင်ရှင် ကိုယ်နဲ့ လဲ မသိ မမြင်ဖူးပေမယ့် စိတ်ထဲ မှာ တကယ့်အရင်းအချာလို ခံစားရတယ်..။ စာလေးတွေ ဖတ်ပြီး ပုံစံလေးတွေကို မှန်းဆပြီး မြင်ယောင် ကြည့်မိတယ်..။ ဒီစာရေးတဲ့ အိမ်ပိုင်ရှင်ကတော့ ပျော်ပျော်နေတတ်တယ်..၊ ဒီအိမ်ပိုင်ရှင်ကတော့ စိတ်ထားလေး နှုးညံ့လိုက်တာ..၊ ဒီအိမ် ပိုင်ရှင်ကတော့ မဟုတ်မခံစိတ် ရှိမယ့်ပုံပဲ...ဘာညာ အဲ့လိုလေးတွေပေါ့...။

တစ်ခါ တစ်လေ.. fw mail တွေရခဲ့လို့ကိုယ်ကတော့ ဘယ်သူရေးထားတာ သိနေတော့ ပျော်နေတာပေါ့လေ fw mail တောင်ပို့ကြတယ်ဆိုတော့ သူများ ကြိုက်ကြလို့ ဆိုပြီးတော့ ...ဒါပေမယ့် စာရဲ့ အောက်ဆုံးမှာ ဖန်တီးတဲ့သူ(ရေးသူ)နာမည်မပါ တဲ့အခါတွေများ ၀မ်းနည်းမိတယ်...။ ဘာပဲဖြစ်ဖြစ် ထည့်ပေးသင့်တာပေါ့နော်..။ မောင်နှမ တွေကို ထိလာရင်လဲ မခံတတ်ပါဘူး...ကိုယ့် သူငယ်ချင်းတွေ ကိုယ်ဘလော့ရေးတာ မသိကြပါဘူး...သူတို့ နဲ့ စကားပြောလို့ ဘလော့အကြောင်းများ ရောက်သွားရင် မောင်နှမတွေရဲ့ ကောင်းကြောင်းလေးတွေ ပြောကြရင် အရမ်းဝမ်းသာတာပဲ...ဒါပေမယ့် ဘာဖြစ်တယ် ညာဖြစ်တယ် ဝေဖန်ရင်တော့ မကြိုက်ဘူး.. တစ်ခါတစ်လေ စကားတောင် များရပါတယ်..း) ။

ဘာပဲဖြစ်ဖြစ် ...ဒီလောကလေး ထဲမှာ နေရတာ ပျော်တယ်..။ ပျော်အောင်လို့ မောင်နှမတွေ ကလဲ စောင့်ရှောက်ကြတယ်...။ တကယ်တော့ မြင်ဖူးတဲ့သူဆိုလို့ မမ၀ါ ၊ မမ မနိုင်းနိုင်း ၊ မေလေး ရယ် နွေးနေခြည် ရယ် ပဲ ရှိပါတယ်..။ အဲ့ဒါကလဲ ...ဓာတ်ပုံပဲ မြင်ဖူးတာပါ ။ ဒါပေမယ့် အားလုံးကို မမြင်ဖူးပေမယ့် သံယောဇဉ်က အများကြီးပဲ ။ အားလုံးပဲ ထပ်တူ ခံစားရမယ်လို့ ထင်ပါတယ်..။ တကယ်တော့ ဒီဘလော့လေးက ကိုယ့်ရဲ့ တကယ့်ကို အဖော်မွန်ကောင်းလေးပါပဲ.....မမြင်ရပဲနဲ့ဖြစ်တဲ့ သံယောဇဉ်လေးတွေလဲ တိုးပွားစေတယ် ။ ကိုယ့်ရဲ့ အဖော်မွန်ကောင်း ဘလော့လေး အတွက် အားလုံး အားလုံး ကို ကျေးဇူးတင်ပါတယ် ရှင်..။

" ကိုသားကြီးရေ...စိတ်ထဲ ခံစားရသလိုလေး ရေးလိုက်ပါတယ်... ရင်နှင့်ရင်း၍ ဆိုတဲ့ နာမည်လေးကို နောင့် ရဲ့ အဖော်မွန်လေး လိုခံစားရလို့ နာမည်လေး ပြောင်းပြီး ရေးလိုက်ပါတယ်ရှင်..." ။

နောက်ဆုံး အချိန် (နောင်တ)

" အမလေး သားလေး ရယ် မင်းတော့ ဒီဝဋ် ကကျွတ်သွားပြီပေါ့နော်... ကောင်းပါတယ် သားလေးရယ် မင်းကို မသေစေချင်ပေမယ့်... ဒီလောက်ဝေဒနာ ခံစားနေရတာကိုလဲ မကြည့်ရက်တော့ပါဘူး... "

ဘေးကုတင်မှ ရုတ်တရတ် အော်ငိုလိုက်သံကြောင့် အိပ်ပျော်နေတာ မဟုတ်ပဲ မိန်းမောနေရာမှ မျက်လုံးဖွင့်ကြည့်မိသည် ။ အော် သွားပြန်ပြီးပေါ့ တစ်ယောက် ။ ကျွန်မအလှည့် လဲ မကြာခင်ရောက်လာတော့ မှာပါ ။ အဘွားကြီး ငိုနေတာကို ကြည့်ပြီး အမေ့ ကိုပြင်းပြင်းထန်ထန် သတိရမိတယ် ။ အမေဆိုရင်လဲ ငိုမှာပဲပေါ့နော်...ဒါပေမယ့် အမေရယ်..။

အတွေးတွေကို မရှည်ချင်တာကြောင့် ဘေးဘီကို ဝေ့ကြည့်လိုက်တော့ တကယ့်ကို သေခါနီးလူမမာများ ပတ်လည်ဝိုင်းရံနေသော နေရာတစ်ခု ။ ဆေးရုံ ....ဟုတ်တယ် ဆေးရုံတောင်မှ အထွေထွေရောဂါကု ဆေးရုံမဟုတ်ပါ..လူအများ ရွံ့ကြောက်လှသော ဝေဘာဂီ ဆေးရုံကြီးမှာပါ ။ လွန်ခဲ့တဲ့ 2ပါတ်လောက်က စပြီး နေနေရတဲ့နေရာ တစ်ခုပေါ့ ၊ ခုထိ အသားမကျသေး အသားကျစရာ အကြောင်းလဲ တစ်စက်မှ မရှိပါ....။ ကိုယ်တိုင်သည်လဲ....မျက်တွင်းဟောက်ပတ် အရိုးခြောက်နဲ့၊ တစ်ချို့ အနာ ဗရပွနဲ့၊ တစ်ချို့ ညီးညူအော်ဟစ်လို့ ပြုစုစောင့်ရှောက်မယ့်သူမရှိ၊ ဟိုကြည့်လဲ ဒီရုပ် ဒီကြည့်လဲ ဒီရုပ် ၊ ကြောက်စရာ ကောင်းလှပါသည် ။ ဒါပေမယ့် တစ်ချို့.....မိသားစု ရဲ့ အပြုအစု အစောင့်ရှောက်ကောင်းမှု တွေကိုခံရတဲ့ လူတွေကတော့ နဂိုရုပ်ကမပျက်ကြသေး တဲ့သူကတော့ မပျက်ကြသေးဘူးပေါ့။ အင်း.....ကံဆိုးလို့ ဒီရောဂါရပေမယ့် ကံကောင်းလို့ မိသားစု ရဲ့ ပစ်ပယ်ထားခြင်း ကိုမခံရသေးသူတွေပေ့ါ ။

ကျွန်မ .... ကျွန်မ ကတော့ မိသားစုကို ဒီ့ထက်ပိုပြီး ဒုက္ခပိုမပေးချင်တော့ပါ ။ ဒီရောဂါ ရနေမှန်းသိရင် ရွာက အဖေအို နဲ့ အမေအို ကျွန်မထက် အရင် သေလိမ့်မယ် ထင်ပါတယ် ။ အဖေ နဲ့ အမေ တို့ရဲ့ အသက်ကြီးမှ ရတဲ့တဦးတည်းသော သမီး ကျွန်မဟာ ရွာငယ်လေး မှာ မထင်မရှား မွေးဖွားလာခဲ့ ပေမယ့် သိတတ်တဲ့ အချိန်ကစပြီး ထင်ရှား ချင်လာတယ် ။ ရွာထဲမှာ စာတော်တော့ ထင်ရှားတယ် အဲ့ဒါကြောင့် ကျွန်မ စာတော်အောင် ကြိုးစားခဲ့ တယ် ။ 10 တန်းအောင်ရင် ထင်ရှားတယ် ။ ဒါကြောင့် ကျွန်မ 10 အောင်အောင် ကြိုးစားခဲ့တယ် ။ အသက်ကြီး နေကြပြီဖြစ်တဲ့ အဖေ နဲ့ အမေ ကတော့ သမီးလိမ္မာ အတွက် ပင်ပန်းကြပေမယ့် တပြုံးပြုံးနဲ့ပေါ့ ။ အသက်ကြီးမှ ရတဲ့ ကလေး ဖြစ်တဲ့အပြင် စာတော်တယ်ဆိုပြီး ဘာအလုပ်မှ မခိုင်းခဲ့ ပါဘူး ။ ကျွန်မကိုယ်တိုင်ကလဲ စာကျက်ရမှာကို အခွင့်ကောင်းယူပြီး ဘာတစ်ခုမှ မကူညီခဲ့ပါဘူးလေ ။ အဖေအိုကြီး ကျွန်မအတွက် ရေခပ်ပေးနေတာတောင် ရေပြည့်မှ ရေချိုးဖို့ ရေကန်ကို သွားခဲ့တဲ့ ကျွန်မပါ ။ အမေအိုကြီး ကျွန်မအတွက် ထမင်းချက်ပေး နေတာကို ထမင်းခူးပြီးမှ ထမင်းစားပွဲ အရောက်သွားခဲ့တဲ့ ကျွန်မ ပါ ။

ဒီလိုနဲ့ပေါ့ .....(10)တန်းလေးအောင်လာတော့ ကျွန်မ တက္ကသိုလ် တတ်ချင်တဲ့ ဆန္ဒတွေ တားမရခဲ့ဘူး။ အသက်ကြီးပြီဖြစ်တဲ့ အဖေ နဲ့ အမေက ကျွန်မကို (10)တန်းအောင်တဲ့ ထိကျောင်းထားတာတောင် ဟိုဟာလေး ရောင်းလိုက် ၊ ဒီဟာလေး ရောင်းလိုက် နဲ့ ဆိုတာ သိပေမယ့် ကျွန်မက

" အဖေ တို့က.... အသုံးကို မကျဘူး ၊ ဒီရွာမှာ ဒီနှစ် (10)တန်းအောင်တာ ကျွန်မ တစ်ယောက်ထဲ ရှိတာ ၊ တက္ကသိုလ်လေး တောင် မထားပေးနိုင်ဘူးလား... ဘာတာဝန်ကျေလဲ .. "

" အမေ ... ကျွန်မ ကဘာဆက်လုပ်ရမှာလဲ... 10 တနုးအောင်ပြီး ဘာဆက်လုပ်ရမှာလဲ ....ပြောပါဦး."

မှုန်ရီရီ မျက်ရည်ဝေ့နေတဲ့ မျက်လုံးလေး နဲ့ ကျွန်မ ကိုငေး ကြည့်ပြီး အမေ ဘာမှ မပြောတတ်ပါဘူး...။ ကျွန်မက အဖေ့ ကိုတောင်းဆိုနေချိန်ဆို အားကိုးတကြီးနဲ့ အဖေ့ ဘတ်ကို လှည့်ကြည့်ကာ ကြည့်ကာ နဲ့ပေ့ါ ။ အဖေ လဲ သက်ပြင်းတစ်ရှိုက်နဲ့

"သမီးလေးရယ် .... အဖေ တို့ကို အချိန်ပေးပါဦးနော်.. အဖေ တို့လဲ အသက်ကြီးပြီဆိုတော့ သူရင်းငှား လဲ ကိုယ်က လုပ်ချင်ပေမယ့် သူများတွေက မငှားချင်တော့ဘူးလေ...။ ဒီအိမ်ခြံလေး ကိုပေါင်နှံပြီး ပေးဖို့ကလဲ အဖေ တို့မှာ ပြန်ရွေးနိုင်တဲ့ အင်အား မရှိဘူးလေ သမီးလေးရယ်...အဖေ တို့ ..... အဖေ တို့ တာဝန် မကျေဘူး....ဟုတ်တယ် တာဝန်မကျေဘူး "

ဆိုပြီး တိုင်နဲ့ ခေါင်းကို ဆောင့်ကာ ဆောင်ကာနဲ့ ပြောနေတော့....

" အမလေး ..... မလုပ်ပါနဲ့ ကိုရင်ရယ်"

ဟီးချ ငိုလိုက်တဲ့ အမေ့ အသံ..... " အိုး အားလုံး သွားစမ်းပါ..... ပြီးကျရင် ဒီလိုကြီးပါပဲ "

ကျွန်မ အားလုံးကို စိတ်နာတယ်...။ ဒါနဲ့ပဲ ကျွန်မ ဘာဆက်လုပ်ရမလဲ .....။

အဲ့ဒီ အချိန်မှာ ကျွန်မတို့ အိမ်ရှေ့ ကနေတဲ့ ကျွန်မ လုံးဝ အထင်မကြီးတဲ့ နီနီ တစ်ယောက် ရွာကို ပြန်လာပါတယ်...သူ ကမဲဆောက်သွားပြီးအလုပ်လုပ်နေတာလေ ။ ငွေကြေးလေး အသင့် အသင့် ပါလာပြီးတော့ သူ့ မိဘတွေကို ပေးတာ တွေ့တယ် ။ နောက်ပြီး ၀တ်ပုံစားပုံ လေးကလဲ..... အရင်က နီနီ မဟုတ်တော့ပါဘူး ။ အရင်က လုံးဝ အထင်မကြီးတဲ့ နီနီ ကိုကျွန်မ ပြုံးပြ နှုတ်ဆက် ပြီးအခြေအနေ တွေကို စုံစမ်းကြည့်မိတယ် ။ ဖြစ်နိုင်ရင် နီနီ ပြန်ရင် ကျွန်မ လိုက်ချင်တယ်လို့ပြောတော့....နီနီ ကပြောတယ်...

"အရမ်း ပင်ပန်းတယ် နင် လုပ်နိုင်မှာ မဟုတ်ပါဘူး " ...

" ဘာလို့ မလုပ်နိုင်ရမှာလဲ နီနီရယ် ... ငါဒီရွာလေး မှာလုံးဝကို မနေချင်တော့ဘူး ...ငါ့ အတွက် တတ်လမ်းလဲ မရှိဘူး ငါ့ကို ကူညီပါဟာ ။ ငါ အဲ့ဒီမှာ အလုပ်လုပ်ပြီး ပိုက်ဆံစုမယ်...ပြီးရင် ကျောင်းလာပြန်တတ်မယ်လေ ... ငါ့ကို အိမ်က ကျောင်းမထားပေးနိုင်တော့ဘူး ဟ"

" ဟိုမှာ ပိုဆိုးတယ် ... ဘာတတ်လမ်းမှ မရှိဘူး... တနေကုန် တညလုံး စက်ပဲ ချုပ်နေရတာလေ... အပြင်ကို တစ်လ မှတစ်ခါ ထွက်ခွင့် ရတာ...အဲ့ဒါတောင် အချိန်ပိုင်းလေးနဲ့ ...ပြီးတော့ နင် ရောက်ရောက်ချင်း အလုပ်သမား ကဒ်ရဦးမှာ မဟုတ်ဘူး... အဲ့လို ကဒ် မရသေးတဲ့ အချိန်ဆိုရင် နင် အပြင်ကိုတောင် ထွက်လို့ ရဦးမှာ မဟုတ်ဘူး "

ကျွန်မသူဘာပြောပြော ဂရုမစိုက်ခဲ့ပါဘူး ....ကျွန်မ ကြီးပွားမှာကို မနာလိုလို့ ပြောတယ်ဆိုပြီး စကားနာ ထိုးတော့မှ နီနီ ကလိုက်ကြည့်ပေ့ါ လို့ ပြောပါတယ်..။ ကျွန်မ ၀မ်းသာ အားရ အမေ နဲ့ အဖေ ကိုပြောပြီး လမ်းစားရိတ်တောင်းတော့....

" သမီးလေး ရယ်... မသွားပါနဲ့ ပင်ပန်းပါတယ်... အဖေလေ၊ ကိုသိန်းဝင်း (ကျွန်မတို့ရွာလေး ရဲ့ မူလတန်းကျောင်းအုပ်)ကိုအကူအညီတောင်း ထားတယ်...သမီးရဲ့ ၊ ငါ့သမီးလေး ကိုကျောင်းဆရာမ ခန့်ဖို့ပေါ့ .... စောင့်လိုက်ဦးနော် သမီးလေး "

" ဟား... အဖေ တို့ကလဲ လုပ်ပြီ ၊ သမီးက ကျောင်းဆရာမ လုပ်ချင်တယ်ပြောလို့လား ....လစာလေး နှစ်ပဲ ခြောက်ပြားနဲ့ မလုပ်ချင်ပါဘူး ...မဲဆောက် ကိုသွားမယ်...ပိုက်ဆံစုပြီး ကျောင်းလာပြန်တတ်မှာ... အဖေ တို့ မထားပေးနိုင်လို့ ကိုယ့်ဘာသာ ရှာပြီးတတ်မှာ..ခု လမ်းစားရိတ်လေးပဲ ထုတ်ပေး "

" သမီးလေး ရယ်.... စဉ်းစားပါဦး "

" ဟား..တော်ပါတော့ အမေရယ်.... လမ်းစားရိတ်လေးပဲ လုပ်ပေးပါ..."

ဒီလိုနဲ့ ကျွန်မ နီနီ နဲ့ အတူ မဲဆောက်ကို ထွက်လာခဲ့တယ် ။ အပျံသင်ကာစ ကျွန်မ မျှော်လင့်ချက်တွေ တသီကြီးနဲ့ပေါ့ ။ လမ်းခရီး ကြမ်းတမ်းတော့ ကျွန်မ နဲနဲလေးတော့ စိတ်ညစ်မိတယ် ။ နီနီ ကတရားဝင် ဆိုပေမယ့် ကျွန်မက ကဒ်မရှိတော့ သူပါ ပုန်းလျှိုးကွယ်လျှိုး လုပ်လာရတာပေါ့ ။ ဒီလိုနဲ့ စက်ရုံမှာ အလုပ် စလုပ်ခဲ့တယ် ။ ညမှာ (12) နာရီလဲ မအိပ်ရ (1) နာရီလဲ မအိပ်ရ ၊ ကျွန်မ ငိုခဲ့ရပါတယ် ။ ဒီလောက်ပင်ပန်း တာမပြောနဲ့ ကျွန်မက ဆင်းရဲပေမယ့် ရေတောင် ကိုယ့်ဘာသာ ခပ်ချိုးခဲ့တာ မဟုတ်ဘူး ။ ကျွန်မ အလုပ်လဲ မလုပ်နိုင်ဘူး ၊ ပြန်လဲ မပြန်ချင်ဘူး ။

ကျွန်မ အရမ်းကို စိတ်ဆင်းရဲ ဒုက္ခ ရောက်ခဲ့ရတယ် ။ တစ်လမှာ လစာ ထုတ်တဲ့ ရက်လေး တစ်ရက်ပဲ နားရပါတယ် ။ ဒါပေမယ့် ကျွန်မ အပြင်ထွက်ခွင့် မရှိဘူးလေ ။ အလုပ်သမား ကဒ်မှ မရှိပဲ... ဒါပေမယ့် ကျွန်မ နီနီ့ကို အပူကပ်ခဲ့တယ် ။ နီနီ ကလဲ ကျွန်မကို တော်တော်သနားနေပြီ ထင်ပါရဲ့ ။ အေး ငါတို့နဲ့ နီးနီးနားနား သွားကြတာပေါ့ ဆိုပြီး အပြင်ကို ကျွန်မ ပထမဆုံး အကြိမ် ထွက်ခဲ့ပါတယ် ။ အဲ့ဒီမှာ ကျွန်မ ကိုလှမောင်ကြီး ကို စတွေ့တာပါပဲ ။

ကိုလှမောင်ကြီးဆိုတာကတော့ ဒီမှာ အလုပ်လုပ်နေတဲ့ လူတွေရဲ့ ပိုက်ဆံတွေကို ဆိုင်ရာအိမ်တွေကိုပို့ပေး၊ အိမ်တွေက ပြန်ပို့ပေးတဲ့ စာလေးတွေ၊ ပစ္စည်းတွေကို သယ်ပေးတဲ့ တစ်ယောက်ပါ။ အရင်ကထဲက ရွာမှာ ငွေလာပို့လိုက် ပစ္စည်းတွေ လာယူလိုက်လုပ်နေပေမယ့် ကျွန်မ သူ့ကိုသတိလဲမထားမိခဲ့ဘူး ကျွန်မနဲ့လဲ မဆိုင်ဘူးလေ။ ခုတော့ ကျွန်မ လူစိမ်းတွေ အလယ်မှာ သူက မျက်မှန်းတန်းမိပြီးသား(သူလဲကျွန်မကိုသိတယ်) လူလဲဖြစ်တော့ ကျွန်မ ဒီမှာ အလုပ်မလုပ်နိုင်တော့တဲ့အကြောင်း ဒါပေမယ့် အိမ်လဲ မပြန်ချင်ကြောင်း ပြောပြမိတယ် ။ ကိုလှမောင်ကြီးက မပူနဲ့ သူ့မှာ အဆက်အသွယ်ကောင်းတွေ ရှိတယ် သူကူညီမယ့် အကြောင်းပြောတော့ ကျွန်မအတွက် တော့ ရွှေတောင်ကြီးပေါ့ ။

အဲ့ဒီနောက်မှာ ကိုလှမောင်ကြီးက တစ်လတစ်ခါ ခပ်ချောချော စတိုင်မိမိ ကောင်မလေးတွေကို ခေါ်လာပြီးတော့ နင်သူတို့အလုပ်မှာ လုပ်မလား ပိုက်ဆံအများကြီး ရတယ် ပင်ပင်ပန်းပန်းလဲ မလုပ်ရဘူး ကြွကြွ ရွရွလေး နေရတယ်လို့ပြောပါတယ် ။ ကျွန်မလဲ သူခေါ်လာပြီး မိတ်ဆက်ပေးတဲ့ ကောင်မလေး တွေကိုကြည့်လိုက်တော့ အ၀တ်အစားက အပျံစား ဟန်းဖုန်း ကိုယ်စီနဲ့ အားကျစရာကြီးတွေပါပဲ။ ကျွန်မ စိတ်ထင် သူတို့က ကျွန်မ ဗွီဒီယို တွေထဲမှာ ကြည့်ဖူးတဲ့ ကုမ္မဏီမှာ အလုပ်လုပ်တဲ့ သူတွေဖြစ်မယ်လို့ ထင်ခဲ့တယ် ။

အဲ့ဒီနောက် ကျွန်မ နီနီ ကိုအလုပ်မလုပ်တော့ဘူးလို့ပြောတော့ နီနီ ကအံ့သြတကြီးနဲ့ ရွာပြန်မှာလား အမေးကို မဟုတ်ဘူး အလုပ်ကောင်းကောင်းတစ်ခု ဆက်မိလို့ ဆိုတော့....

" ဘယ်အလုပ်လဲ ... သေချာရဲ့လား ၊ ဘယ်အလုပ်ရုံမှာလဲ...ငါ့တောင် အသိမပေးပါလား ဟယ် "

" နီနီ ကလဲ အစကမသေချာလို့ပါ... ခုတော့ သေချာသွားလို့..နင်...နင့်အိမ်ကိုစာထည့်ရင် အမေ တို့ကို ငါအလုပ်ကောင်းကောင်း ရနေပြီ ... နောက်မှ ငွေပို့တော့မယ်လို့ ပြောလိုက်နော် "

ဆိုပြီး ထွက်လာခဲ့တယ် ။ နောက်မှာ နီနီ ဘယ်လို အတွေးတွေ နဲ့ကျန်ခဲ့လဲ မသိဘူး ၊ သိလဲ မသိချင်ဘူး..။

ကျွန်မတကယ်ပဲ မပင်ပန်းပဲနဲ့ ပိုက်ဆံများများရတဲ့ အလုပ်ကို လုပ်တတ်ခဲ့ပါတယ် ။ ဒါပေမယ့် အဲ့ဒီရက်တွေက ကျွန်မ အတွက် ငရဲခန်းပဲ။ ကိုလှမောင်ကြီး ကို ရွှံ့ခြာ မုန်းတီးလှပေမယ့် ကြောက်လန့် တကြားငိုးကြွေး ခဲ့ရတဲ့ နေ့တွေ လွန်လာတော့ ကျွန်မ ထုံကျင်လာခဲ့တယ် ။ ကျွန်မ ကျရာ ဘ၀ မှာပျော်တတ်အောင် နေခဲ့တယ် ။ ကျောင်းတတ်မယ့် ရည်မှန်းချက်တွေ ကြက်ပျောက်၊ ငှက်ပျောက် ....လမ်းလျှောက်ရင်း လမ်းပျောက်ပေမယ့် ပျောက်သောလမ်းမှာ ကျွန်မ ပျော်ပျော်ကြီး လျှောက်ခဲ့တယ် ။ အဖေ နဲ့ အမေ ကို ရတဲ့ ပိုက်ဆံ ရဲ့ ၅ ပုံ ၁ ပုံ လောက်ပဲ ပို့ပေးတယ် ။

ဒီလိုနဲ့ပဲပေါ့... တစ်ခါ တစ်ခါ ကျွန်မ ဖျားချင်သလိုဖြစ်တယ်။ ၀မ်းလျောတယ် ။ ဒါပေမယ့် ဆေးမီးတိုလေးတွေ နဲ့ပျောက်သွားလိုက်ဆိုတော့ ကျွန်မ အမှုမထားခဲ့ဘူး ။ တစ်နေ့တစ်ခြား လျှော့လျှော့သွားတဲ့ ကိုယ်အလေးချိန်ကိုလဲ ကျွန်မ ဂရုမထားမိဘူး...ခုခေတ်ကြီးက ပိန်မှ ကြည့်ကောင်းတာပဲ..။ တစ်နေ့တော့ ကျွန်မ ဗိုက်အရမ်းကိုအောင့်ခဲ့ပါတယ် ။ဘယ်လိုမှ မခံစားနိုင်တော့ဘူး အဲ့ဒါကြောင့် ကျွန်မ အဖော်ကို တောင်းပန်ပြီး ကိုလှမောင်ကြီး ကိုရှာခိုင်းလိုက်တယ် ။ ဒါပေမယ့် ကိုလှမောင်ကြီးရောက်လာတော့ ကျွန်မ သတိမရတော့ပါဘူး ။ သတိရတဲ့အချိန်မှာ မြ၀တီမြို့ထဲ ကိုပြန်ရောက်နေပြီလေ ။ ကိုလှမောင်ကြီးက ပြောတယ် .

" နင် ရန်ကုန်မှာ ဆေးရုံတတ်ရမယ် "

" ဟင် .... ဒီမှာ တတ်လို့ မရဘူးလား ...ကျွန်မ ရန်ကုန်မှာ ဘယ်သူနဲ့ မှ အသိမရှိဘူး "

" ဒီမှာရော ..နင်ဘယ်သူနဲ့ သိလို့လဲ... ဒီမှာ မရဘူး ၊ ငါလိုက်ခဲ့ပေးပါ့မယ် .. နင်တတ်လိုက်ပါ"

ဒီလိုနဲ့ပဲ .... ဒီလိုနဲ့ပဲ ကျွန်မ ဒီဆေးရုံကို ရောက်ခဲ့ရပါတယ်။ ကျွန်မ ဘာရောဂါ ဖြစ်မှန်း မသိခဲ့ဘူး ။ နောက်မှ ကိုလှမောင်ကြီး ပြောပြတော့ ကျွန်မ ကမ္ဘာတစ်ခုလုံး မှောင်မိုက် ၊ ဘာဆို ဘာမှ မသိတော့ပါဘူး ။ အရင်ဆုံး သတိရတာက မိဘ နှစ်ပါး ၊ ခလုတ်ထိမှ အမိတ မဟုတ်ပေမယ့် တကယ် တ ခဲ့ရပြီ ။ ပြီးတော့ မသိစေချင်ဘူး... ကျွန်မ မိဘနှစ်ပါး အသက်ကြီးလှပြီ .... မသိစေချင်တော့ပါဘူး ။

" ကိုလှမောင် ကျွန်မ အကြောင်းကို အဖေ နဲ့ အမေ ကိုမပြောပါနဲ့ ၊ ရွာက လူတွေလဲ မသိစေပါနဲ့နော် ... ကျွန်မ ရှက်လို့ မဟုတ်ပါဘူး...ကျွန်မ ကြောင့် အဖေ နဲ့ အမေ အသက်ကြီးမှ သမီးမိုက်ကြောင့် အရှက်မရ စေချင်လို့ပါ ... ကျွန်မ တောင်းပန်ပါတယ်"

" အေးပါ... စိတ်ချပါ ငါလဲ နင်နဲ့ ဘ၀တူပါပဲ ..ငါ မကြာမကြာလာမယ် ..နင့် ဘာသာ နင် ဂရုစိုက်.. ငါပိုက်ဆံ ထားပေးခဲ့မယ် "

ကိုလှမောင်ကြီး ပြန်ပြီးတဲ့နောက် ကျွန်မ တစ်ယောက်ထဲ ကျန်ပါတော့တယ်...။ ကျွန်မတို့လို လူမမာတွေက ခုခံအားကျနေတော့ ဘယ်ရောဂါမဆို ၀င်ရောက်လာဖို့က သိပ်ကို လွယ်ကူတယ်လေ ။ ကိုယ်တိုင်ကလဲ ဘာရောဂါမှန်း မသေချာတော့ ဘာကိုမှ ဂရုစိုက်ရကောင်းမှန်း မသိခဲ့ဘူး။ ခုလဲပဲ ကျွန်မ က ဒီရောဂါနဲ့ စပ်လျှင်းပြီးတော့ ရခဲ့တဲ့ TB ပိုးက ဗိုက်ထဲ ရောက်ပြီး အူTB ဖြစ်တော့ ဗိုက်က မခံရပ်နိုင်အောင် အောင့်ပြီး ဆေးရုံ ဆေးခန်း ရောက်မှ ဘာရောဂါလဲ ဆိုတာ သိလာရတာပါပဲ..။ ဗိုက်အောင့် တဲ့အချိန်တွေကလွဲပြီး ကျန်တဲ့ အချိန် ကျွန်မ လမ်းလျှောက်နိုင်ပါတယ်။ သေမိန့် ကျခံနေရတဲ့ လူတွေရဲ့ မျက်နှာတွေ ၊ ဘေးကုတင် က သေလုသေခင် အောက်စီဂျင် ပေးနေရတဲ့ မျက်ဖြူလန် နေတဲ့ မျက်နှာတွေ ၊ ဘာအကြောင်းတွေ နဲ့ များ ဖြစ်လာတာပါလိမ့် ။ ကျွန်မ လိုလား ...ဒါဆို ဘေးဆောင်က ကလေးလေး တွေကရော ဘယ်သူ့ အပြစ်ကြောင့်လဲ ၊ ဝေဒနာကို အလူးအလဲ ခံစားနေရတဲ့ မိဘမဲ့ ရောဂါသည် ကလေးလေး တွေ သူတို့မှာ အပြစ်ရှိပါသလားကွယ် ။ ကျွန်မ မသေခင်လေးမှာ ၊ လမ်းလျှောက်နိုင်တုန်း လေးမှာတော့ တစ်ခါမှ မစဉ်းစားမိဖူးတဲ့ ကုသိုလ်လေး တစ်ခုခုကို ယူချင်ပါသေးတယ်။ ဘာလုပ်ရမလဲ...ခုချိန်မှာ လုပ်နိုင်တာဆိုလို့ များများစားစားလဲ မရှိပါဘူး ၊ စဉ်းစားမိလိုက်တာ တစ်ခုကိုပဲ အကောင်အထည် ဖော်လိုက်တယ်လေ ။

အဲ့ဒါကတော့ ... ဆေးရုံက မနက် ကော်ဖီ၊ နေ့လည် ထမင်း ၊ ညနေ ထမင်း ကျွေးပါတယ် ၊ ထမင်းလေး တောင် ထယူဖို့ လမ်းမလျှောက်နိုင်တော့တဲ့ ဘ၀တူ ရောဂါသည်တွေကို ထမင်း ယူပေးပါတယ် ။ အရင်က စိတ်ထဲ ရွှံ့မိပေမယ့် စဉ်းစားလိုက်တော့ ကိုယ်လဲ ဒီလိုရောဂါဖြစ်နေတဲ့ သူပဲ..ဘာများ ပိုပြီး ကိုယ်က သူတို့ထက်သာနေလို့လဲ..အဲ့ဒါကြောင့် သူတို့ မတတ်နိုင်တာ ကိုယ်တတ်နိုင်တာလေးတွေကို လုပ်ပေးပါတယ်။ လူနာဆိုပေမယ့် ကိုယ့်လက်ထဲ ပိုက်ဆံလေး တော့တစ်ကျပ်ဖြစ်ဖြစ်တစ်ပဲ ဖြစ်ဖြစ် ကိုင်ထားချင်မှာပဲပေါ့..။ ဒါပေမယ့် တစ်ချို့ တစ်ပြားမှာကို ရှိမနေပါဘူး ဆေးရုံက ကျွေးတဲ့ ထမင်း နဲ့၊ ပေးတဲ့ ဆေးလေး တွေကြောင့် အသက်ဆက်နေတာပါ ။

တစ်ခါတစ်လေ တော့လဲ အလှုရှင်တွေ လာတယ် ... ထောင်တန်အုပ်လေးတွေ ကိုင်ပြီးတော့ တစ်ကုတင်ချင်းစီ လိုက်ပေးနေတာ.... လေးစားလိုက်တာ ၊ အားကျလိုက်တာ ၊ ကျွန်မ လက်ထဲ ပိုက်ဆံတွေ ရှိနေတုန်းက ကျွန်မ ဘာတွေ လုပ်ပစ်ခဲ့လဲ.... ၊ ကျွန်မ သူများအကျိုးအတွက် ဘာမှ မလုပ်ခဲ့မိဘူး ၊ မိဘ ကိုတောင် တစ်ခါ တစ်ရံ မှ ပြန်ပို့တာ ။ အိုး... ပြန်မတွေးချင်ဘူး ၊ ခုနေရတာ လောက ငရဲထဲမှာ ဒီ့ထက်ဆိုးတာ ဘာရှိဦးမလဲ ၊ သေချင်လဲ သေပါစေတော့ ။ မသေချင်လေး မှာခဲ့ချင်ပါတယ် ကျွန်မလို မမိုက်မဲပါနဲ့နော်...။ ရှိတဲ့ ပိုက်ဆံတွေကို အကျိုးရှိအောင် သုံးပါ ။ နောက်ပြီးတော့ မိဘ၊ ကိုယ့်မိဘ စိတ်ဆင်းရဲ အောင် လုပ်မိရင် ကိုယ်ပြန်ခံရတာ၊ စိတ်ဆင်းရဲရတာက (10)ဆ မကပါဘူးရှင် ။ ခုချိန်မှာ ကျွန်မ အဖြစ်ချင်ဆုံးက ကျွန်မ ရဲ့ မိဘနှစ်ပါး ကို လက်စုံမိုးပြီး ရှိခိုးကန်တော့ တောင်းပန်ချင်တာပါပဲ ..... ဒါပေမယ့် ကျွန်မ ဘယ်လို ခွန်အားမျိုးနဲ့ အသက်ကြီး နေပြီ ဖြစ်ကြတဲ့ မိဘတွေ ကို ဒီလိုနေရာမျိုး ခေါ်ရက်ပါ့မလဲ ရှင်....။ အရင်တုန်းကသာ သူတို့ စီစဉ်ပေးတဲ့ အတိုင်း ရွာမှာ ကျောင်းဆရာမလေး လုပ်ခဲ့မိရင်......အိုး တော်ပါပြီလေ ..ပြန်စဉ်းစားနေလဲ ခုမှတော့ ဘာအကျိုးမှ မရှိတော့တာပဲ ။

ခုတော့ ကျွန်မ ကိုယ်တိုင် လမ်းမလျှောက်နိုင်တော့ပါဘူး....။ မနက်က ကော်ဖီကတော့ ကုတင်ဘေးက စားပွဲပေါ်မှာ ရောက်နေပါရဲ့ ...ဒါပေမယ့် အဖုံးမရှိတဲ့ ခွက်ထဲက ကော်ဖီတွေက ချောင်ဆိုးသံတွေ ညံစီပြီး တော့ သေခါနီးလူမမာတွေ ပတ်လည် ၀ိုင်းနေတဲ့ စားပွဲ ခုံပေါ်မှာ ... ကော်ဖီခွက် ကို လက်လှမ်းဖို့တောင် အားမရှိ.......ဒီလိုနဲ့ ပြီးသွားရတော့မှာပေါ့.... အမေ .... အမေ့ကို တမ်းတ မိချိန်မှာ မျက်တွင်းဟောက်ပတ်ထဲ ထဲမျက်ရည်စက် တွေက ပါးပေါ်တောင် လိမ့်ဆင်းကျဖို့ အားမရှိတော့သလို... မိဘနှစ်ပါး နဲ့ ရတနာ သုံးပါး ကို နောက်ဆုံးအချိန်လေး မှာ စိတ်ရည်မှန်းပြီး ဦးချ ကန်တော့ ဖို့ လက်တွေကို တဖြည်းဖြည်း ရင်ဘက်ပေါ် တင်ဖို့ ကြိုးစားရင်း................။

လိမ္မာပါတော့မယ်...

ညကလဲ တော်တော် နဲ့ အိပ်မပျော်ပဲ ခုတော့လဲ အစောကြီး နိုးနေပြန်တယ်..။ ဒီနေ့ စနေနေ့ ပါလား.... ကျောင်းလဲမတတ်ရပဲ နဲ့ ဘာလို့ အစောကြီးနိုးနေ ရတာလဲ ...ပြီးတော့ အရင်ဆုံး သတိရတာ...ကိုကို ..ဟုတ်တယ် ကိုကို ပါပဲ ။ စနေ၊တနင်္ဂနွေ နေ့တွေလဲ ... သဲ အတွက် အဓိပ္ပါယ် မရှိတော့ပါဘူး ကိုကို ရယ်.....။ မျက်လုံးများကို ပြန်မှိတ်လိုက်တော့...... ကိုကို့ ပုံရိပ်...

" သဲ....မင်းလုပ်ရပ်တွေကို ငါ မကြိုက်တော့ဘူးနော်. နောက်ထပ်မပြောချင်တော့ဘူး...မင်းဘာသာ ဆင်ခြင်တော့ "

ကိုကို က မင်း နဲ့ ငါပြောနေပြီဆိုတော့ တော်တော် စိတ်ဆိုးနေပြီဆိုတာ သိပေမယ့်..

" သဲ ကဘာလုပ်နေလို့လဲ.....ကိုကို သဲကို အဲ့လိုမပြောနဲ့ "

"မင်းကို ငါ ဘယ်နှစ်ခါ ပြောရမလဲ....မင်း chat ချင်ရင်.... နောက်ထပ် account တစ်ခုဖွင့်ပြီး chat ဖို့.. နောက်ပြီး မင်းရဲ့ ဖုန်းနံပါတ်တွေ ၊ အိမ်လိပ်စာတွေ မပေးဖို့ ... "

"ခုတော့ ....မင်း account ထဲမှာ ... သိတဲ့ လူတွေရော ၊ မသိတဲ့ လူတွေ ရော.. ရှုပ်ပွ နေတာပဲ" "တကယ့် မိတ်ဆွေ တွေ ဆိုတာလဲ အသိသာကြီး ...ခု မင်း chat နေတဲ့ အမေရိကား က ကောင်ကို ငါ သိပ်ကြည့်မရဘူးနော်...စကားပြောတာ ကြည့်ထဲက ဒီကောင် ဘယ်လိုကောင်လဲ ဆိုတာ ယောက်င်္ကျားချင်း သိတယ်.."

" ခု သဲ ဘယ်မှာ အဲ့ဒီလူနဲ့ chat တော့လို့လဲ "

" ဟုတ်ပါပြီ...မေ့ပြီး ပြန်ပြောမိမှာ စိုးလို့ ပြောတာ "

အမှန်တွေကို ပြောနေပေမယ့်....သဲ မျက်နှာ စူပုတ်ထားမိတယ် ။ ကိုကို မသိဘူးလား ... သဲ ကိုကို့ တစ်ယောက်ထဲကို ချစ်တယ်ဆိုတာ ။ အလကား ပြသာနာလိုက်ရှာနေတယ် ။ chat တယ်ဆိုတာကလဲ ပျင်းလို့ပဲဟာ..။ ကိုကို အနားမှာ ရှိနေရင် သဲ က chatting ၀င်ပါ့မလားလို့ ။ သဲ နှုတ်က ဘာမှ ပြန်မပြောပေမယ့် စိတ်ထဲကနေ ကိုကို့ ကိုရန်တွေ့နေမိတယ်။ သဲ မျက်နှာ အပြောင်းအလဲကို ကောင်းကောင်းဖမ်းတတ်တဲ့ ကိုကိုက -

"သဲရယ်...နားလည်ပါ...။ ကိုကို အလုပ်လုပ်နေတယ် ဆိုတာကလဲ..သဲ အတွက်ပါ ။ ကိုကို အလုပ်လုပ်နေတော့ သဲ အနား ဘယ်လို အချိန်ပြည့်နေ နိုင်မှာလဲ....။ သဲပျင်းနေတယ် ဆိုရင် ကိုယ့်အတွက် တန်ဖိုးရှိမယ့် စာအုပ်တွေဖတ်၊ အင်္ဂလိပ်စာတွေ လေ့လာ ၊ အဲ့လိုတွေ လုပ်ပေါ့ သဲရယ်.... ကိုကို ကသဲကို မchat နဲ့လို့ မတားပါဘူး.... ဒါပေမယ့် အချိန်ပြည့် ဒါကြီးပဲ လုပ်မနေနဲ့ လို့ပြောတာ..."

"ဟုတ်ကဲ့ပါ ကိုကို.... သဲ နားလည်ပါတယ်... သဲ လဲပျင်းလို့ပါ..နောက်ဆို ..ဆင်ခြင်ပါ့မယ်နော် " " သဲ ခုလို ဒီမှာကျောင်းလာတတ်တာလဲ ကိုကို့ ကြောင့်ပါ...ကိုကို့ တစ်မျက်နှာထဲကြောင့်ပါ ကိုကို "

အဲ့လို သဲ ပြောလိုက်တော့... ကိုကို က သဲ ခေါင်းလေးကို ရင်ခွင်ထဲထည့်ပြီး သက်ပြင်း ချပါတယ်..။ ကိုကို့ ရင်ခွင်ထဲကနေ သဲ ကျိတ်ပြုံးလိုက်မိ တယ်။ ကိုကို သဲကို အကြာကြီး စိတ်မဆိုးတတ်ဘူး ဆိုတာ သဲ သိပ်သိတာပေါ့လေ။

သဲ ဒီမှာ ကျောင်းလာတတ်တာလဲ တကယ်တော့ ကိုကို့ အစီအမံ ပါပဲ...။ သဲ ကအဲ့ဒါနဲ့လဲ သူ့ကိုအညှာကိုင်တာလေ.။

ကိုကိုက သဲကို မှာစရာတွေ အများကြီး မှာသွားပြီးတော့ ... နောက်နေ့ အလုပ်ဆင်းရမှာမို့ ပြန်သွားပါတယ်...။ ကိုကို အဲ့လို ပြန်သွားရင် သဲ အရမ်းလွမ်းတာပါပဲ..။ အဲ့ဒါနဲ့ သဲ လဲကိုကို့ ကိုလွမ်းတာ ပြေအောင် ကွန်ပြူတာလေး ကိုဖွင့်မိပါတယ်..။ သဲ ရဲ့ မီးလေး စိမ်းသွားတာနဲ့ တပြိုင်နက်...

"ဟေ့...ဘယ်သွားနေတာလဲ.... မင်း ကျောင်းပိတ်မှန်းသိလို့ စောင့်နေတာ ကြာနေပြီ"

သူ.... သူ ကတော့ ခုလက်ရှိ အမေရိကား မှာ အလုပ်လုပ်နေတယ်ပြောတဲ့...ကျော်သူမောင် ဆိုတဲ့ သူပေ့ါ... သူနဲ့ သဲ အွန်လိုင်းမှာ ခင်တာ မကြာသေးပေမယ့် စကားပြော ကောင်းလွန်းတဲ့ သူ့ ကြောင့် တကယ့် အရင်း အချာတွေ လို ခင်နေပြီလေ...။ ကိုကို ကတော့ သူနဲ့ chat တာမကြိုက်ဆုံးပဲ... ဒါပေမယ့် သဲ က သဲမှာ ချစ်သူ ကိုကို ရှိတဲ့ အကြောင်း ပြောပြထားတယ် ဆိုလို့ ကိုကို က ဘာပဲဖြစ်ဖြစ် ဖြစ်နိုင်ရင် သူနဲ့ မ chat ပါနဲ့တဲ့...သဲ ကလဲ ပြီးစလွယ် ဟုတ်ကဲ့ပါလို့ ပြောထားတယ်လေ။ သူနဲ့ chat ပြီးရင် chat list တွေကို ဖျက်ပစ်တယ်လေ ဟိဟိ ကိုကို ကအလုပ်ထဲမှာ ကွန်ပြူတာ သုံးလို့မှ မရတာ..သူဘယ်သိပါ့လဲ..။ ဒါပေမယ့် ကိုကို ကပြောတယ်....ကျန်တဲ့ ကိုယ်မသိတဲ့ သူတွေနဲ့လဲ VZO, တို့ဘာတို့ ရုပ်မြင်ရတာတွေ နဲ့ မchat ဖို့ တော့ တားထားပါတယ်..။ သဲ ကအဲ့ဒါတော့ မလုပ်ပါဘူးလေ...။ ဒီတိုင်း စကားပြောရုံ လေးပါပဲ..။ ဒါပေမယ့် အဲ့ဒီ နေ့က သဲ တို့ စကားတွေ တော်တော် ပြောဖြစ်ကြတယ်....။ သူ့ ရဲ့ စကားပြောကောင်း ပါးနပ်မှုကြောင့် သဲ ရဲ့ ဖုန်းနံပါတ် လဲ သူ သိသွားတယ်..။

နောက်ပြီး သဲ ဖတ်ချင်နေတဲ့ စာအုပ်တွေ ပို့ပေးမယ် ပြောလို့ အိမ် လိပ်စာလဲ သိသွားတယ်..။

စကားပြောတာက သူ့ ညီမလေး နဲ့ တူလွန်းတာကြောင့် ရုပ်လေးပါ ကြည့်ချင်တယ်ဆိုလို့ ကင်မရာလေး ဖွင့်လိုက်မိတယ်..။ အဲ့ဒီ ခဏအချိန်လေးအတွင်းတော့ သဲ သူ နဲ့ စကားပြောရတာ ပျော်ခဲ့ပါတယ်..။

ဒီလို နဲ့ သဲ တို့ နောက်ပိုင်း ဖုန်းပါ ပြောဖြစ်ကြတယ်...။ ကိုကို့ ကိုတော့ မသိအောင် ဖုံးထားရတာပေါ့နော်..။ သိရင် သဲ ကို သတ်မလားပဲ..။

တစ်နေ့..... အဲ့ဒီနေ့ က အင်္ဂါ နေ့ပေါ့....။ သဲ ကျောင်းကနေ ပြန်လာ... ရောက်ရောက်ချင်း ထမင်း စားဖို့ လုပ်နေတာနဲ့ ကွန်ပြူတာကို အရင်မဖွင့် အားဘူးလေ..။ အဲ့ဒီ အချိန်မှာ ဖုန်းလာပါတယ်...အဲ့ ... ကိုကို ပဲ ..အလုပ်ချိန်ကြီး ဖုန်းမခေါ်ဖူး လို့ အထူးအဆန်းဖြစ်ပြီး ထူးမိတယ်..။

" ဟဲလို ...ကိုကို...ဘာဖြစ်လို့လဲ ဟင်.. ရုံးမတတ်ဘူးလား.. "

စိုးရိမ်တကြီး မေးတဲ့ သဲ ရဲ့မေးခွန်းကို ကိုကို မဖြေပါဘူး ....

" ခုလာခဲ့မယ် သဲ ကိုအရမ်းချစ်ပါတယ်"

အဲ့ဒါပဲပြောပြီး ဖုန်းချသွားပါတယ်...အသံကလဲ သဲ ရင်းနှီးနေကျ သဲ ကိုပြောတဲ့ နှုးနှုးညံ့ညံ့ အသံမျိုး ပျောက်နေတယ်...။ အက်ကွဲကွဲနဲ့ လည်ချောင်းထဲက မနဲ အားယူပြီး ထွက်လာတဲ့ လေသံ နဲ့ ။ ဒါနဲ့ သဲ လဲ အိမ်အောက် ဆင်းပြီး ကိုကို့ ကိုစောင့်နေမိတယ်...။ ကိုကို့ ကိုတွေ့တော့ သဲ အပြေလေး သွားပြီး လက်မောင်း ကို တွဲလိုက်ပေမယ့် ကိုကို ကအရင်ကလို သဲ ခေါင်းလေးကို ပွတ်ပြီး မကျီစားပါဘူး...။ ပြီးတော့ ထိုင်ခုံကို ရောက်တာနဲ့ "ရော့" ဆိုပြီး print ထုတ်ထားတဲ့ စာရွက် လေး တစ်ရွက် ပေးပါတယ်.... ။

သဲ ဖတ်ပြီး မျက်လုံးတွေ ပြာသွားတယ်....။ သဲ ကွန်ပြူတာ မဖွင့်မိတဲ့ အချိန်ပိုင်းလေးမှာ ကိုကို တွေ့သွားတဲ့ စာက သဲ တောင်မှ တစ်ချို့ ဖြစ်ရပ်တွေကို မသိပါဘူး.....ရေးထားလိုက်တာ မတော်တရော်တွေပါ...။ ရေးထားတာတွေက ..ဒီနေ့ သဲကို ဖုန်းမခေါ်တာ က သူ့ စိတ်လှုပ်ရှားနေလို့ ပါဆိုတဲ့ အကြောင်း..ဘာကြောင့်လဲဆိုတော့ သူ သဲ အိမ်လိပ်စာလဲ သိပြီ ဖြစ်တဲ့ အတွက် သူလာလည်မယ့် အကြောင်း ၊ ဘယ်လို ကြိုနေပါဆိုတဲ့ အကြောင်း...သဲ မချစ်တဲ့ သဲ ရဲ့ ခုလက်ရှိ ချစ်သူ ကိုလဲ သူ ရောက်လာရင် ကြောက်နေစရာ မလိုတော့တဲ့အကြောင်း..အိုး တစ်ချို့ စာလုံးတွေက တကယ့်ကို သူ နဲ့ သဲ က တကယ့်ရီးစား တွေအတိုင်းပါပဲ..။ သဲ မုန်းလိုက်တာ အဲ့ဒီ လူကိုလေ..ပြီးတော့ သဲ လေ... ရှက်လိုက်တာ..အငွေ့ပြန်ပြီး ကိုကို့ ရှေ့ကနေ ပျောက်သွားချင်ပါတယ်...။ ကိုကို ဘယ်လို ထင်မှာပါလဲ...ကိုကို အထင်မှားမှာတော့ သဲကြောက်ပါတယ်..။

"ကို ဒီနေ့ နေမကောင်းလို့ ရုံးမသွားရဘူး.... သဲ လဲကျောင်း တတ်ရမှာ သိလို့ ၊ စိတ်ပူမှာ စိုးလို့ အသိမပေးခဲ့ဘူး... ဒါနဲ့ ကွန်ပြူတာ ဖွင့်ပြီး သဲ ရဲ့ account ကို ကြည့်မိတော့ ဒီစာတွေ့တာပဲ... သဲ ရယ် မင်း သိပ်မိုက်တယ် "

" မဟုတ်ဘူး ကိုကို ... မဟုတ်ဘူး...သဲ သဲ"

" မဟုတ်ဘူး လို့ မင်းမပြောနဲ့ သဲ.... မင်း ငါ့ကို ဘာလို့လိမ် ခဲ့တာလဲ...မင်း ဖုန်းနံပါတ်ကို ဘာလို့ ပေးခဲ့တာလဲ ၊ အိမ်လိပ်စာပါ သိနေပြီ ဆိုတော့ ၊ မင်း မင်း.... "

ကိုကို စကားမဆက်နိုင်ပါဘူး....မျက်နှာ ကို လက်ဖ၀ါးထဲ မှောက်ထည့်ပြီး ငြိမ်နေပါတယ်...။ သဲ မှားပါတယ်ရှင်....ကိုကို သဲ ကို ရိုက်လိုက်ရင်ဖြစ်ဖြစ် ခံသာပါသေးတယ်...။ ခုလိုကြီး ၀မ်းနည်း ယူကြုံးမရ ဖြစ်နေတဲ့ ပုံမျိုး နဲ့ တော့ မနေပါနဲ့ ရှင်.........။

" ဖုန်းနံပါတ်နဲ့ အိမ်လိပ်စာ ပေးမိတာက လွဲ လို့ ကျန်တာ သဲ ဘာမှ မသိရပါဘူး ကိုကိုရယ်...သဲကို ယုံပါ ယုံပါ..."

" sorry သဲ... ကိုကို.. မင်းကို အရမ်းချစ်ပါတယ်...မင်းကိုလဲ ချုပ်နှောင် မထားချင်တော့ပါဘူး...မင်း သွားလိုရာကို သွားနိုင်ပါတယ်..ဒီနေ့က စပြီး မင်း ကိုကို့ အသံ၊ အရိပ် တွေကို လုံးဝ မတွေ့စေရပါဘူး....ကိုကို မထင်ခဲ့ဘူး...ကိုယ့် ရဲ့ အချစ်တွေက မင်းကို ကြောက်လန့် နေစေခဲ့မယ်လို့ ကိုယ် မထင်ခဲ့ပါဘူးကွာ..။ ဘာပဲ ဖြစ်ဖြစ် မင်း ပျော်ပါစေ ...ကလေး ရယ် "

ပြောပြီး ကိုကို ထရပ်လိုက်ပါတယ်...။ သဲ ကြောက်လန့် တကြား ကိုကို့ လက်ကို ဖမ်းဆွဲ ထားပေမယ့်...ကိုကို က ဆတ်ခနဲ့ ပုတ်ချပြီး... ခြေလှမ်းကျဲ ကြီးတွေနဲ့ ထွက်သွားပါတော့တယ်...။ ကိုကို ...မသွားပါနဲ့ ....သဲ ကိုကို့ တစ်ယောက်ထဲကိုပဲ ချစ်တာပါ... သဲ ကိုကို နဲ့ မခွဲ နိုင်ပါဘူး သဲ ဘယ်လိုပြောပြော ကိုကို က နောက်ကို လုံးဝ လှည့်မကြည့်စတမ်း ကျောခိုင်းသွားပြီလေ...။ ကိုကို ရယ် သဲ မှားပါတယ်...

အား..... ကြောက်လန့် တကြား မျက်လုံးများကို ပြန်ဖွင့် လိုက်ပေမယ့် ဒါဟာ...အိမ်မက်မဟုတ်ပါဘူး... ပြီးခဲ့တဲ့ 3 လလောက်က တကယ် ဖြစ်သွားတဲ့ အရာတွေပါ...ခု ဆို ကိုကို့ ကို မတွေ့ရတာ 12 ပါတ် ရှိပြီနော်...။ ဖုန်းဆက်တိုင်းလဲ .... ပိတ်ထားတဲ့ ဖုန်းနဲ့ အိမ်ကိုလိုက်သွား တော့လဲ မရှိတာနဲ့ ကိုကို့ အလုပ်ကိုလဲ သဲ မသိပါဘူး...။ သဲ ရဲ့ အခန်းဖော် သူငယ်ချင်းကိုသာ သဲ ရဲ့ တိုင်တည်ရာပေါ့... သူ အသိဆုံးလေ... သဲ အဲ့ဒီ ကျော်သူမောင် နဲ့ ဘာတွေပြောကြလဲ ဆိုတာ သူ အသိဆုံးပါ..။ သူ တောင် တခါတလေ ၀င်ပြောသေးတာပဲ ...သူငယ်ချင်း ကလဲ စာကို မြင်ပြီးတော့ အရမ်းကို အံ့သြသွားတာပါပဲ....။ ကိုကို နဲ့ ပြသာနာ ဖြစ်ပြီးတော့ သဲ ငိုတော့ သူလဲ ဘာလုပ်ပေးရမလဲ မသိပါဘူး... ပြီးတော့ သဲက ဘာလုပ်ရမလဲ မေးတော့...သူ က အရင်ဆုံး အဲ့ဒီ ကျော်သူမောင် ကို delete လုပ်တဲ့ ၊ ပြီးရင် ဖုန်းနံပါတ်ပြောင်း ၊ ပြီးတော့ အိမ်ပါ ပြောင်းကျတာ ပေ့ါတဲ့...သဲ ပြောင်းတဲ့ နေရာ သူလိုက်နေပေးပါ့မယ် တဲ့..။

ဒီလိုနဲ့ သဲ လဲ အဲ့ဒါတွေ အကုန်လုံးကို ၂ ပါတ်အတွင်း ပြီးအောင်လုပ်ပါတယ်...။ ပြီးတော့ သဲ ခု အဲ့ဒီလို မလုပ်တော့ပါဘူး သဲ အကုန်လုံး ပြောင်းလိုက်ပါပြီ ဆိုတာကို ... ကိုကို့ ကိုပြောပြချင်လို့ ဖုန်းခေါ်တာလဲ ဘယ်လိုမှ မရတော့ဘူးလေ..။ အခုတော့....ကိုကို လဲ သဲကို ဆက်သွယ် စရာဆိုလို့ မေလ်း လေး တစ်ခုထဲသာ ရှိပါတော့တယ်...။ ကိုကို့ nick name လေး ဘေးက မီးလေး ဘယ်တော့ စိမ်းလာ မလဲ ဆိုတာကို စောင့်ရတာ 3လ ရှိနေပါပြီ ကိုကို ရယ်... သဲ ကို စိတ်ဆိုးပြေပါတော့နော်..။

ခုဆို သဲ chatလဲမ chat တော့ပါဘူး...အားတဲ့ အချိန်မှာစာတွေလုပ်၊ စာဖတ်ပါတယ်။ အော် နောက်ပြီးတော့လေ.. ခုတော့ သဲ မှာ ဘလော့ ဆိုတဲ့ အဖော်လေး လဲ ရှိနေပါပြီ..အားတဲ့ အချိန် စာတွေ လိုက်ဖတ်ရင်းနဲ့ ဘလော့ရွာ လေးထဲကို သဲ ရောက်သွားခဲ့ပါတယ်..အဲ့ဒီ ရွာလေးထဲမှာ အိမ်လေး တစ်အိမ်ဆောက်ပြီး ကိုကို့ ကိုလွမ်းတဲ့ အကြောင်းတွေကို စာရေးဖွှဲ့ပြီးတော့ ...ကိုကို့ ကိုစောင့်နေပါတယ်၊ ပြီးတော့လေ...ကိုယ့်မှာ တကယ်ချစ်ရတဲ့သူ ရှိရင်..ကိုယ့်ချစ်သူမကြိုက်တဲ့(ကောင်းလဲ မကောင်းတဲ့)အပြုအမူတွေကို မလုပ်ကြပါနဲ့လို့ ဒီဘလော့လေးထဲမှာ မကြာမကြာထည့်ရေးမယ်..။ကိုကို ဒီစာလေး ကိုဖတ်မိရင်....သဲ ကိုနားလည်ပေးပြီး ပြန်လာခဲ့ပါနော်...။ သဲ လိမ္မာပါတော့မယ်..ကိုကိုရယ်...။

မှတ်ချက် ။ ။ နောင့် တကယ့်ဖြစ်ရပ် မဟုတ်ပါဘူး ရှင်....

ဝါဆိုသင်္ကန်း ကပ်တော့..

ဒီနေ့ ၀ါဆိုသင်္ကန်းကို Clementi ကျောင်းမှာသွားကပ် ဖြစ်တယ် ။ အဲ့ဒီ မှာ ဘုန်းဘုန်း ကတရားပေးပါတယ် ။ မှတ်မိ သလောက်လေး ပြန်ပြောပြမယ်နော်.....း) ။

ဘုန်းဘုန်းက ပြောတယ် ဒီအလှုက ကုသိုလ်ရတာ ဒီသင်္ကန်းကြောင့် မဟုတ်ဘူး...၊ ဒီသင်္ကန်းက အသုံးပြု ပြီးရင် တစ်နေ့ ပျက်စီးသွားမယ် မပျက်စီးမှာက ကုသိုလ် စိတ်ပဲတဲ့ ၊ အဲ့ဒီ ကုသိုလ်စိတ်လေးကိုလဲ မပျက်စီးအောင် စိတ်ထဲ ကိန်းအောင်းနေရပါမယ် ၊ လူတွေက လှုပြီးလို့ ဒီကုသိုလ်စိတ်လေးကို မေ့ပစ်လိုက်မယ်ဆိုရင် ညောင်ပင်လောက် လှုလဲ ညောင်စေ့လောက်ပဲ ကျန်ပါမယ် ၊ စိတ်ထားတတ်ပြီး ဒီကုသိုလ်ကို စိတ်ထဲအမှတ်ရပြီး ကုသိုလ်စိတ်လေး ၀င်နေမယ်ဆိုရင် ညောင်စေ့လောက် လှုလဲ ညောင်ပင်ကြီးလောက် ကုသိုလ်ရပါတယ် တဲ့..။

ဒီတော့ ဘုန်းဘုန်းကပြောတယ် ဖြစ်နိုင်ရင် ကိုယ်ဘယ်နေ့က ဘယ်လို ကောင်းမှုလုပ်တယ်ဆိုတာကို မှတ်စုစာအုပ်လေး ဒါမှမဟုတ် အမှတ်ရ နိုင်မယ့် တစ်နေရာရာမှာ ရေးထားပြီးတော့ မမေ့အောင် ဂရုပြုထားမယ်ဆိုရင် ပိုကောင်းတယ်လို့ဆိုပါတယ် ။ ကောင်းမှုဆိုတဲ့ နေရာမှာ လမ်းဘေးက အဘိုးအဘွား တွေ ရောင်းနေတဲ့ တစ်ရှုး ကိုကိုယ် မလိုအပ်ပေမယ့် တမင်တကာ ၀ယ်ပေးလိုက်တာကလဲ ကောင်းမှုတစ်မျိုးပဲ လို့မြင်ပါတယ် ၊ နောက်ပြီး ကိုယ့်မိဘကို ကိုယ်တတ်နိုင်သလောက် လေးထောက်ပံ့တာ၊ စသည်ဖြင့်ပေါ့နော် သိပ်တော့လဲ မပြောတတ်ဘူး ။

များသောအားဖြင့် လူတွေက မှတ်စု စာအုပ်ထဲမှာ ပူဆွေးစရာ၊ ဒေါသထွက်စရာ၊ လွမ်းမောစရာ အဲ့လို အကုသိုလ်နဲ့ ဆိုင်တဲ့ မှတ်စရာများကိုပဲ မှတ်တတ်တာများပါတယ် ။ ကိုယ်ပြုခဲ့တဲ့ ကုသိုလ်လေးတွေကိုလဲ အဲ့လို မှတ်မှတ်ရရလေး မှတ်ထားပြီး ပြန်ဆင်ခြင်အောင်းမေ့ရင် ကုသိုလ်ပိုရပါတယ်တဲ့ ။

နောက်ပြီးတော့ ညအိပ်ရာဝင် တဲ့အချိန်မှာ ဒီနေ့လုပ်ခဲ့တဲ့ ကုသိုလ်၊ အကုသိုလ် လေးတွေကို ပြန်စဉ်းစားသင့်တဲ့ အကြောင်းပေါ့ ၊ ဒီနေ့ အကုသိုလ်ဖြစ်အောင် ဘယ်လိုတွေနေမိခဲ့သလဲ ၊ ကုသိုလ်ဖြစ်နိုင်မယ့် အရာ တွေကိုရော ဘာတွေလုပ်ခဲ့မိလဲ ပြန်စဉ်းစား ရမယ်လို့ ဆိုပါတယ် ။ (ကိုယ်ကတော့ သချာတယ် အကုသိုလ်တွေ ကြီး ပဲနေမှာ) ။း)

ကိုယ်လဲ ပြန်ပြီးတော့ တွေးကြည့်မိတယ် ။ ကိုယ် ကုသိုလ်နဲ့အကုသိုလ် ဘာတွေလုပ်ခဲ့လဲဆိုတာကို တစ်နေ့တာကုန်ဆုံးလို့ ညပိုင်းရောက်ရင် တမင်တကာ ကြီးတော့ မစဉ်းစားမိခဲ့ဘူးလို့ ထင်တယ် ။ မေ့နေတာလဲ ဖြစ်ကောင်းဖြစ်လိမ့်မယ် ။ သတိမထားမိတာလဲ ဖြစ်ကောင်းဖြစ်လိမ့်မယ် ။ ဒါပေမယ့် ကိုယ် E mail ဖွင့်စစ်ဖို့ ၊ ဘလော့ခ် တွေလည်ဖို့တော့ လုံးဝ မမေ့ခဲ့ဘူး ဆိုတာတော့ သေချာတယ်း) ။ ဘာပဲ ဖြစ်ဖြစ် ဒီည ကနေစပြီး နောက်ပိုင်း ကိုတော့ သတိလေး ထားပြီး ဆင်ခြင်နိုင်အောင် ကြိုးစားလိုက်ဦးမယ် ။

မပျော်သောနေ့ရက်များ..

ဒီရက်ပိုင်းအတွင်း ကိုယ်မပျော်ဘူး ဖြစ်နေတယ်။ ဘာကြောင့်လဲ ဆိုတော့ ကိုယ့် ရဲ့ကိုကြီး ဆေးရုံနောက်တစ်ခေါက် ပြန်တတ်နေရပြန်တယ်။ ဒီတစ်ခေါက်ပြန်တတ်တာ ကိုယ့်အတွက် ပိုပြီး စိတ်ပင်ပန်း ရတယ်၊ စိတ်ပူရတယ် ။ ဘာကြောင့်လဲ ဆိုတော့ မြန်မာပြည်မှာ မိုးရာသီ ဖြစ်နေလို့ပါပဲ ။

ကိုယ်တို့ ရွာလေးဟာ မိုးတွင်းဆိုရင် လမ်းပန်းဆက်သွယ်ရေး အရမ်းခတ်ခဲပါတယ် ။ စစ်တောင်းမြစ်ကို ဖောင်နဲ့ ဖြတ်ရတယ်။ဖောင်ဆိုတာက စက်လှေနှစ်စင်း ရဲ့ အပေါ်မှာ သစ်သား တွေနဲ့ လုပ်ထားတဲ့ အခင်းကြီးကြီးတစ်ခုကိုတင်ထားတာပါ..လူတွေ၊ ပစ္စည်းတွေ၊ စက်ဘီး၊ ဆိုင်ကယ်တွေက အဲ့ဒီ သစ်သားပြားကြီးပေါ်ကနေ လိုက်ရပါတယ် အကာတွေ၊ လက်ရန်းတွေ မရှိပါဘူး ။ အနက်ရောင်နယ်မြေ ဖြစ်တဲ့အတွက် တံတားဆောက်လို့လည်း မရပါဘူး။

နောက်ပြီး အဲ့ဒီ ဖောင်ကလဲ မနက် (6)နာရီမှ စဖွင့်သလို ညနေ(6)နာရီဆိုဖောင်ပိတ်သွားပါပြီ၊ အဲ့ဒါကြောင့် အဲ့ဒီ ဖောင်ဖွင့်ချိန် ၊ ပိတ်ချိန် မှီအောင် သွားရတာလဲ အလုပ်တစ်ခုပါပဲ ။ မမှီရင် ရွာနီးချုပ်စပ်က အိမ်တစ်အိမ်အိမ်မှာ အကူအညီတောင်းပြီး တည်းရ ၊ အိပ်ရပါတယ်..။

ဖောင်ပေါ်ကနေ ကမ်းပါး ပေါ်ကို တတ်တဲ့ အချိန်မှာလဲ ခြေမြဲမြဲ၊ လက်မြဲမြဲ နဲ့တတ်ရပါတယ် ။ ကမ်းပါးက မတ်ပြီး အရမ်းလျှော်တဲ့အတွက် ဖိနပ်နဲ့ တတ်လို့ လည်းမရဘူးလေ ။ဒါကြောင့် တစ်ချို့ အမျိုးသမီးတွေဆို လေးဖတ်ထောက်ပြီး တတ်ရပါတယ်။ စက်ဘီးတွေ၊ ဆိုင်ကယ်တွေပါရင်တော့ နီးစပ်ရာ တစ်ယောက်ယောက်ကို အကူအညီတောင်းပြီးတော့ တွန်းတင်ပေါ့ ။ ကူလဲကူညီ ကြပါတယ် အကူအညီမတောင်းရင်တောင်မှ ဒီလိုပဲ နောက်ကနေ ကူတွန်း၊ ရှေ့ကနေ ကူဆွဲတင် အဲ့လို ချစ်စရာကောင်းတဲ့ ဓလေ့လေးတွေတော့ ရှိပါတယ်..။

ကမ်းပေါ်ကို ရောက်ပြီ ဆိုရင်လဲရွာကိုရောက်ဖို့ရွံ့တော၊ ဗွက်တော ထဲကနေ 7မိုင်လောက်ခရီးကို လမ်းလျှောက်ရပါသေးတယ် ။ နွေရာသီ ဆိုရင်တော့ စက်ဘီး၊ ဆိုင်ကယ် စီးလို့ရပါတယ် ။ မိုးတွင်းဆိုရင် အဲ့ဒါတွေ စီးဖို့ အရမ်း အန္တာရာယ်ကြီးတယ် ။ တော်ရုံလမ်းပဲ လျှောက်ကြရတယ်..။

အခုတော့ အဲ့ဒီလို လမ်းခရီးကို ကိုယ့် အဖေ နဲ့ အမေ တစ်လှည့်စီ ဖြတ်ကျော်နေရတယ် ။ ရန်ကုန်မှာ ဆေးရုံ တတ်နေရတဲ့ သားအတွက် အဖေ တစ်လှည့် အမေတစ်လှည့် လာပြီး စောင့်ရှောက်နေကြ ၊ ပြုစုနေကြ ရတယ်လေ ။

ကိုယ့် အစ်မကတော့ အချိန်ပြည့် အစ်ကို နဲ့ ဆေးရုံပေါ်မှာ တူတူနေရတာပေါ့ ။ မိုးတွင်းမို့ ခရီးမသွားစေချင်လို့ အစ်မ တစ်ယောက်ထဲနဲ့ အဆင်ပြေတယ် ပြောပေမယ့် မိဘမေတ္တာပေါ့....ဘယ်လောက်ပဲ အဆင်ပြေတယ်ပြောပြော လာပြုစုချင် နေကြတာပါပဲ ။

တစ်မိသား စုလုံး ရန်ကုန်မှာ လာနေဖို့ကလဲ ဘယ်လိုမှ အဆင်မပြေဘူးလေ ။ရွာမှာကမိုးရာသီဆို တကယ့်ကို အလုပ်ချိန်လို့ပြောရမယ် ။တစ်ရွာလုံးက ကွမ်းသီးစိုက်ပြီး စီးပွားရေးလုပ်ကိုင်ကြရတာလေ။ကွမ်းသီး ဆိုတာကလဲ မိုးရာသီလေး တစ်ချိန်ပဲ သီး ပြီးအလုပ်လုပ်ရတာကိုး ။အဲ့ဒီတော့ ဒီအချိန် တစ်ချိန် လေးပဲ အားကိုးပြီး လုပ်ရတော့ အိမ်ရှိလူကုန်လဲ ရန်ကုန်မလာနိုင်ဘူးလေ ။ အဲ့ဒီတော့ အဖေက တစ်လှည့်လာ တစ်ပါတ်လောက် နေပြီးရင် ပြန်၊ အမေ ကတလှည့်ပြန်လာ၊ အဲ့လိုလေး တွေလုပ်နေကြရရှာတယ် ။

ကိုယ်စဉ်းစားမိတိုင်း စိတ်မကောင်းဘူး ။ ဒီလမ်း ဒီခရီး ဘယ်လောက် ကြမ်းတမ်းလဲ ကိုယ်အသိဆုံးပေါ့ ။ ကိုယ်တို့ ဘတ်ကလူတွေ မိုးတွင်းဆို ခရီးမထွက်တော့တာ များတယ် ။ မဖြစ်မနေ သွားရမယ့် လူတွေလောက်ပဲ သွားကြတယ်လေ ။ လူငယ်၊ လူရွယ် ယောင်္ကျားသား တွေဆို အကြောင်းမဟုတ်ပေမယ့် ကိုယ့် အဖေ နဲ့ အမေ အသက်ကြီး ပြီ ၊ အရမ်းနဲ့ ကို ပင်ပန်းမှာပါပဲ ။ ဒါပေမယ့် သားဇော နဲ့ ပင်ပန်းရကောင်းမှန်း သိကြမှာ မဟုတ်ဘူး နဲ့ တူပါရဲ့ ။ အဝေးမှာ နေတဲ့ ကိုယ့်မှာသာ စဉ်းစားရင်း အစ်ကို အတွက် စိတ်ပူသလို မိဘများအတွက် ၀မ်းနည်းရင်း..................။

လူတိုင်း၊ မိသားစု တိုင်းမှာ ပြသာနာ ကိုယ်စီ ၊ သောက ကိုယ်စီ နဲ့ ရှိကြမယ် ၊ ရှိခဲ့ဖူးကြမယ် ထင်ပါတယ်....။ ကိုယ်ကတော့ အရင် ကမကြုံတွေ့ ခဲ့ရဖူးဘူး ။ အခုလို ကြုံ ရတော့ အရမ်း ခံစားရတယ် ။ အဲ့ဒီ သောက လေးတွေ ခုလိုချရေး လိုက်ရင် ပြေလိုပြေငြား ၊ တင်းကြပ်နေတဲ့စိတ်များပေါ့သွားမလားလို့....စိတ်ရဲ့ ထွက်ပေါက်ပေါ့ လေ.....။

အိမ်ပြောင်းတဲ့နေ့

"ဖြန်း"


အသံနဲ့ အတူ...ခြေသလုံး တဘတ်ကလဲ စပ်ဖြင်းဖြင်း ဖြစ်သွားသောကြောင့် နှစ်နှစ်ကာကာ အိပ်ပျော်နေရင်း လန့်နိုးသွားပါတယ်...။ အလန့်တကြားနဲ့ မျက်လုံးကို ဇတ်ကနဲ ဖွင့်ကြည့်လိုက်တော့....အခန်းဖော်မမက


"ထတော့"


တစ်ခွန်းပဲပြောပြီး အခန်းပြင်ထွက်သွားပါတယ်..။ အား...စိတ်တိုလိုက်တာ ပြောမနေပါနဲ့တော့..


"ဒီနေ့ ..တနင်္ဂနွေ နေ့လေ ...ဘာလို့လာပြီးနှိုးနေတာလဲ .....စိတ်ပုတ် မမ"


ပြောပြီး တဘတ်ကိုလှည့်ပြီး ပြန်အိပ်နေလိုက်ပါတယ်..။ အိပ်ပျော်မယ် ကြံတုန်း ...


"ဖြန်း"


နောက်တစ်ချက်...ဒီတစ်ခါ တော့ သည်းမခံနိုင်တော့ဘူး....ထပြီး အော်မယ် စဉ်စားတုန်း ရှိသေးတယ်...


" ဟဲ့ နောင့်နောင့် ..ကားလာရင် ငါနင့်ကို မစောင့်ဘူး နော်... အပြင်မှာ နင့်ပစ္စည်းတွေသိမ်းဖို့ အများကြီး ကျန်နေသေးတယ်..."

သူကအရင် ဦးအောင် အော်ပြီး...အသံနဲ့ အတူ လူလဲ ပြန်ပျောက်သွားပြန်တယ်...။

အဲ့ဒီတော့ မှ ကိုယ်လဲ လူးလဲ ထထိုင်ပြီး စိတ်ပျက်လက်ပျက် ပြန်လှဲချလိုက်မိတယ်...။

ဟုတ်တယ် ...ဒီနေ့ အိမ်ပြောင်းရမှာပဲ။ စိတ်ညစ်လိုက်တာ...ပစ္စည်းတွေကလဲ အများကြီးပဲ ကျန်သေးတယ် သိမ်းရမှာ..။သယ်ရမှာလဲ အများကြီးပဲ..။ ၀ယ်တုန်းက မသိသာပေမယ့်..ခုလို အိမ်ပြောင်းခါနီး သိမ်းမှပဲ ထွက်လာတော့တယ်...ဟိုကတစ်ခု ဒီကတစ်ခု ဘာတွေမှန်းကို မသိဘူး....။

အင်း..ထမှပါပဲ...ပျင်းနေလို့ မရဘူး...။

မျက်နှာသစ်ပြီးတာနဲ့ ဗိုက်က ဆာလာရော...ထမင်းအိုးက မနေ့ထဲက သိမ်းထားလိုက်ပြီ...ဒုက္ခပါပဲ..။ အဲ့ဒါနဲ့ ကိုယ်လဲ..မုန့်ဟင်းခါး ဖတ်ခြောက်တွေ အပြင်မှာ..ရှိနေတာနဲ့ ပြုတ်ပြီး သုတ်စားလိုက်တယ်...။

ပြီးတော့ အခန်းထဲဝင် ပစ္စည်းတွေကို ကြည့်ပြီး..ငိုချင်စိတ်ပေါက်သွားတယ်..။ သိမ်းပြီးသားအိတ်က (၃) လုံး ၊

သိမ်းလက်စ တို့လို့တန်းလန်း အိတ်က (၂) လုံး ၊...ဟိုတလောကမှ NTUC မှာ တန်လို့ ဆိုပြီး ၀ယ်ထားတဲ့ ဗီဒို လိုလို သစ်သားကြောင်အိမ်လိုလို ကလဲ ရှိသေးတယ်...နောက်ပြီး..စာရေးစားပွဲခုံ...။ တစ်ယောက်ထဲ နဲ့ ဒါတွေ ဘယ်လို သယ်ရမလဲ ...ခေါင်းတော်တော်ရှုပ်သွားတယ်...အခန်းဖော် အစ်မ နဲ့ တူတူပဲ...တစ်အိမ်ထဲ ကိုပြောင်းမှာ..။ သူကလဲ သူ့ပစ္စည်းတွေ နဲ့ သူ ရှုပ်နေတာပဲ...။ ဒါပေမယ့် သူ့အစ်ကိုက သူ့ကို လာပြောင်းကူမှာ..။ ကိုယ့် အစ်ကို ကတော့ အားကိုးရတယ်...အိုတီ ရှိလို့ပါတဲ့...ဟင်းးးးးးးးး တတ်နိုင်ဘူးလေ...ဒီလိုပဲပေါ့...ကိုယ့်အားကိုယ်ကိုး...ပုစိန်ရိုး (အဲ့ဟုတ်ပါဘူး..)..ပုစိန်ရိုးက သတ်သတ်ပါ.. ရောကုန်ပြီ..ဟီး...း) ။ ဒါနဲ့ အပြင်မှာရှိတဲ့ ပစ္စည်းတွေ အကုန်စုပြုံ ကောက်သိမ်းပြီး ခနနား..ကွန်ပျုတာလေး ဖွင့်မယ်ကြံတုန်း ....

" နောင့်နောင့် ရေချိုး တော်ကြာ..ကား လာတော့မယ်...နင် ချိုးပြီး ငါချိုးမယ်" တဲ့....

အသံပဲ ကြားရတယ် လူမမြင်ရပါဘူး။ အခန်းဖော် မမ အပျိုကြီးပေါ့...သူလဲ မနားဘူး ဘာတွေ လိုက်သိမ်းနေတယ် မသိဘူး..။ အပျိုကြီး တွေများ တော်တော် ခတ်တာပဲ..။ ဒါနဲ့ ရေချိုးပြီးတော့ မကြာပါဘူး.. ငှားထားတဲ့ ကားက ရောက်လာပါ တယ်..။ အဲ့ဒီတော့မှ ..ဟဲဟဲ ရှဲ့ရှဲ့ မမအပျိုကြီးပေါ့...သူလော လို့ မှီတာ ..မဟုတ်ရင်... ကွန်ပျုတာ ကိုင်မိလို့ကတော့ မှီတော့မှာ ဟုတ်ဘူး...။ ပစ္စည်းတွေ သယ်ရတော့မယ်..ဒုက္ခော တွေတော့ စပြီပေါ့... ဘယ်လို သယ်နိုင်မလဲ တစ်ယောက်ထဲနဲ့ဒါတွေကို တစ်ချို့အိတ်တွေဆို လေးလွန်းလို့ တစ်ယောက်ထဲ ဘယ်လို မှ မ,မနိုင်ပါဘူး.. ။ အဲ့ဒီ အချိန်မှာပဲ... မြန်မာပြည်မှာတုန်းက အလုပ်တူတူ လုပ်ခဲ့တဲ့(အဲ့တုန်းက သူကမန်နေဂျာ) အပျိုကြီးပဲ ရောက်လာပါတယ်..ပစ္စည်းကူသယ်ပေးမလို့တဲ့..။ ၀မ်းသာလိုက်တာမှ လေ ပြောမနေနဲ့တော့..။ သူတို့ ကူလိုက်လို့ ဒီဘတ်အိမ်ပေါ်ကနေ ကားပေါ်ကို တော့ ပစ္စည်းတွေ လွယ်လွယ် ကူကူ ရောက်သွားပါပြီ...။ ဒါပေမယ့် အဲ့ဒီလာကူပေးတဲ့ အစ်မက ဟိုဘတ်အိမ်ကို မလိုက်ဘူး..ဒီကပဲ ကူပြီး ပြန်မှာ..။ ဟိုဘတ်အိမ် ရောက်ရင်လဲ နောင်ခါလာ နောင်ခါဈေး ပေါ့း) ။ အဲ့လိုစဉ်းစားပြီး ကားပေါ်ကုန်းပြီ တတ်နေတုန်း ရှိသေးတယ်....ကျောပေါ်ကို ဘုတ်ခနဲ ကျလာတဲ့ ပစ္စည်းကြောင့် လန့်ပြီး ကားပေါ်က ပြုတ်မကျတာကံကောင်း...

" နင့်ဘောလုံး "...." ပစ္စည်းတွေ စုံအောင် စစ်ပါဆိုတာကို မစစ်ဘူး...မပြောချင်ဘူး "

ဆိုပြီး..ပြတင်းပေါက်က မျက်နှာက ဖြတ်ခနဲ ပျောက်သွားပြီး...ဓာတ်လှေကား ပွင့်သံ တီ တီ နဲ့ ကြားရပါတယ်..ဘယ်သူဖြစ်မလဲ....။ မမအပျိုကြီးပေါ့...သူလဲ အိမ်ပေါ်ကနေ ဆင်းလာမှာပဲဟာ...မယူခဲ့ပဲနဲ့ ကျောပေါ်ကို ပစ်ချတယ်..တော်သေးတာပေါ့..ဘောလုံး မလို့..ဟဲဟဲ..အဲ့ဒီ ဘောလုံးကလဲ ကိုယ့်အတွက် အသုံးလိုပါတယ်...တစ်ပါတ်တစ်ခါ ရေသွားကူးရင် ယူသွားနေကျလေ..။ ရေတော့ မကူးတတ်ပေမယ့်..ရေသွားသွားဆော့တာ..ရွာကချောင်းထဲမှာ ရေကစားနေကျဆိုတော့....ဒီရောက်တော့ ရေကူးကန်မှာ သွားသွားပြီး အလွမ်းပြေဆော့ပါတယ်... ရွာချောင်းမှာတော့ အလကားဆော့ရတာပေါ့ လေ...ဒီမှာတော့ တစ်ခါဝင် (၂) ကျပ်ဆိုတော့....ဟဲဟဲ...တစ်ပါတ်မှ တစ်ခါပဲ သွားတာပါ..။

ဒီလိုနဲ့ ဟိုဘတ်အိမ်ကို သွားနေတဲ့ လမ်းမှာပဲရှိသေးတယ်.. သူငယ်ချင်း တစ်ယောက်က ဖုန်းဆက်တယ်


"ဟဲ့ နောင့် နင်ဘယ်မှာလဲ " တဲ့


"ငါ အိမ်ပြောင်းနေတယ်... ငါ့ကို လာကူဦးလေ"

ဆိုတော့ ခဏအသံတိတ်သွားပါတယ်... ပြီးတော့မှ လာခဲ့မယ်လေတဲ့..။ ဟား..အပိုင်ပဲပေါ့ ပျော်သွားပြီ ...ကိုယ်လဲ လိပ်စာပေးပြီးတော့...အဲ့ဒီမှာ စောင့်နေဖို့ ပြောလိုက်တယ်...ငှဲငှဲ ..ဟိုဘတ်အိမ်မှာကူသယ်ပေးဖို့ လူလဲ ပူရတော့ဘူး..။ ပြောင်းရတဲ့ အိမ်ရောက်တော့ သူငယ်ချင်းကလဲ ရောက်နေပြီ...ပစ္စည်းတွေ ကူသယ်ပေးပြီး အားလုံး အပေါ်ကို အပြီးအစီး ရောက်တော့မှ..သူငယ်ချင်း ကို..

" ဟဲ့ နင် ငါ့ကို ဖုန်းခေါ် တာဘာလုပ်မလို့လဲ" ဆိုတော့..


" ငါ့ မွေးနေ့ ဟဲ့.... သူငယ်ချင်းတွေကို တစ်ခုခု ကျွေးမလို့ နင့်ကို အရင်ဆက်တာ ..ခုတော့ နင်ကျွေးတဲ့ မုန့်ဟင်းခါး စားပြီးပြီ ပြန်တော့မယ် " တဲ့...။



ကိုယ် တစ်ကယ် အားနာသွားပါတယ်...အဲ့ဒါနဲ့ ကိုယ်လဲ ပြောမိပြောရာ..


" ဟဲ့...နင်ကျွေးမယ်ဆိုလဲ ကျွေးသွားလေ" လို့ပြောလိုက်မိပါတယ်...သူက. " တော်ပြီ နောက်မှ ပဲ.." ဆိုပြီးပြန်သွားပါတယ်...။

ကိုယ်လဲ ပြောပြီးမှ တော်တော် နောင်တ ရသွားတယ်.... သူခမျာ ကူလဲ ကူညီရသေးတယ်..မုန့်လဲ ကျွေးရဦး မယ်ဆိုတော့ ... ကိုယ်တော်တော် မတရားတာပဲ..။ အဲ့လိုပါပဲ...ကိုယ်က အပြောမတတ် ...အဆိုမတတ်...ဟင်းးးးးးးးးးးး..ပစ္စည်းတွေလဲတစ်ခုမှ မစီရသေးဘူး...သူငယ်ချင်းကို အားနာတာနဲ့ပဲ.....အဲ့ဒါတွေ လဲ မလုပ်ချင်သေးဘူး (ဘာမှမဆိုင်)း)......။ ဒါနဲ့ပဲ...အရင်ဆုံး အိပ်ရာ ခင်းတွေ၊ ခေါင်းအုံး တွေ အစွတ်စွတ် ပြီးတော့ ရေအမြန်သွားချိုး..ကွန်ပျုတာလေး ဖွင့်ပြီးတော့ ပဲ အရင်အနားယူလိုက်ပါတယ်လေ...။ မနက်ဖြန်လဲ ခွင့်ယူထားတော့ ပစ္စည်းတွေ ကဘယ်အချိန် ရှင်းရှင်းပေါ့နော်..အရေးကြီးတာက ကိုယ်ပင်ပန်းခဲ့တာလေးတွေ ကို အစ်ကို၊ အစ်မ ၊ သူငယ်ချင်း တွေရဲ့ အိမ်တွေ လိုက်လည်ပြီး..အရင်ဖြေဖျောက်ရဦးမယ်လေ....။

တို့- ရွာလေး - အေးချမ်းပါစေ။

မနေ့ ကလဲ ဖုန်း က ကြိုးစားခေါ်ပေမယ့် မရလို့ ...ဒီနေ့ ခေါ်တော့ ... တူ တူ အသံလေး နဲ့ ၀င်သွားပါတယ်...။

ဖုန်း ကိုင်တဲ့ ဦးလေးကြီးကို ကိုယ်ကလဲ အမေ နဲ့ ပြောမယ်နော် ဦးလေး ဆိုပြီး အပိုင်ပဲ ပြောလိုက်ပါတယ်...

ဟုတ်တယ်လေ..မနေ့က လဲ ကိုယ့်ဖုန်း မရတော့ ဒီနေ့ တော့ အမေ စောစော စီးစီး လာစောင့်နေမှာ သေချာ နေတာပဲ...။ ဒါပေမယ့် ဦးလေးကြီး ပြန်ပြောတာက..

"ကောင်မလေး...နင်တို့ အမေ လာလို့ မရဘူး..နင်တို့ အမေ မှ မဟုတ်ဘူး..နင် တို့ဘတ် ရွာက လူတွေ ဘယ်သူမှ ရွာပြင် ထွက်လို့ မရဘူး..နင် ဆက်တာ ငါပြောပြလိုက်မယ်" တဲ့..

ကိုယ်လဲ ကြောင်သွားတယ်....ဒီမှာ ခက်ခက် ခဲခဲ ခေါ်ထားရတာကိုး...တစ်လ မှ တစ်ခါ လေးဖုန်းပြောရတာ..အဲ့ဒါကို လာလို့ မရဘူးဆိုတော့ လန့်လဲ လန့်သွား တယ်...ဘာများဖြစ်လဲပေါ့..၊

" အာ..ဦးလေး ကလဲ ဘာဖြစ်လို့ လဲ ..အမေတို့ နေမကောင်းဘူးလား" ဆိုတော့

" နင်တို့ ရွာမှာ တိုက်ပွဲဖြစ်နေတယ်တဲ့...ဘယ်သူမှ ရွာထဲ ၀င်လို့ မရသလို... ရွာထဲကလဲ အပြင် ဘယ်သူမှ ထွက်လို့ မရဘူး"

ပြီးတော့..

" တော်ပြီ တော်ပြီ... ဒီအကြောင်းက ပြောလို့ သိပ်မကောင်းဘူး..ဒါပဲ"

ဆိုပြီး ဖုန်းချသွားပါတယ်...။ ကိုယ့်မှာ ... ဘယ်တော့ မှ ပြန်ခေါ်လို့ ရမှာလဲ ၊ သူတို့ ဘယ်တော့ ရွာပြင် ထွက်ရမှာလဲ၊ တိုက်ပွဲ ကရွာခံ လူတွေကို ထိမိ ခိုက်မိ ရှိလား...... ဘာဆို ဘာမှ မမေးလိုက်ရဘူး ၊ ဒါပေမယ့် မေးလဲ သူက ဖြေနိုင်မယ့် မေးခွန်း တွေ မဟုတ်ပါဘူးလေ...။

ကိုယ့်ရွာလေးနာမည်က ..စီပင်သာ ရွာတဲ့..။ခုချိန်ထိလဲ မ စီပင်နိုင် မ သာရာနိုင်သေးပါဘူး...။ ကိုယ် ..ရွာမှာနေတုန်းက ..ကိုယ့် အတွက် တိုက်ပွဲ ဆိုတာ မထူးဆန်းပါဘူး.. ညကြီး သန်းခေါင်တိုက်ပွဲ ဖြစ်လို့ အမြဲ အိပ်ရေးပျက်ခဲ့ရတယ် ။ နောက်ဖေးက ဗုံးခိုကျင်းထဲမှာ သေနပ်သံ တွေ ကြားက အိပ်ငိုက်ခဲ့ရတယ်...နောက်နေ့ မနက်မိုးလင်းရင် အိမ်တိုင်တွေမှာ သေနပ်ကျည်ဆံမှန်ထားတဲ့ အရာလေးတွေကို လိုက်ရေ ခဲ့ဖူးတယ်..ကျည်ဆံဖူးအခွံလေးတွေကို လိုက်ကောက်ခဲ့ဖူးတယ်..။ ဒါပေမယ့်.. ခု လို အဝေးရောက်ပြီး နောက်ပိုင်း ပထမဆုံး အကြိမ် ပြန်ကြားရတာပဲ၊ ကိုယ့် မိသားစုအတွက် တကယ်စိုးရိမ် နေပါတယ်... ။ ကိုယ် ဘာလုပ်ပေးတတ်လဲ...ဘာလုပ်ရမလဲ ကွယ်..။ နေ့တိုင်းဖုန်းဆက်ပြီး တိုက်ပွဲ အခြေအနေ မေးရုံပဲ ရှိတော့တာပဲ၊ အမေ နဲ့ မပြောရလဲ ...ရွာအခြေအနေလေး သိရ ရင်တော်ပါပြီ...။ ဒီလိုပါပဲ..တိုက်ပွဲဖြစ်ပြီး 1ပတ် 10ရက်လောက်ကတော့ ရွာထဲက ရွာပြင် ထွက်လို့ ရဦးမှာ မဟုတ်ပါဘူး..။ ကိုယ့် မိသားစု နဲ့ ရွာလေး..ဘေးအန္တာရာယ် ကင်းရှင်း ဘို့.. အထိအခိုက်မရှိဘို့ ဆုတောင်းရုံ မှ တပါး..ကိုယ်ဘာများ တတ်နိုင်ဦးမှာလဲ...။

လစာထုတ်တဲ့ရက် (သို့) အမေနဲ့ ဖုန်းပြောရတဲ့နေ့..

ဒီနေ့တော့ ရုံးရောက်တာနဲ့ ကိုယ့် လစာ ၀င်မ၀င် အရင် စစ်ဖြစ်တယ်... :) ။ လစာဝင် နေပြီ ပျော်လိုက်တာ.. လစာရလို့ ပျော်တာထက်..အမေ နဲ့ ဖုန်း ပြောရတော့မှာ မို့ ပျော်တာပါ..။ ကိုယ်က လစာ ဒီနေ့ရ ဒီနေ့ အိမ်ကို ငွေ လွှဲပါတယ်... ရက်တောင် မကူးပါဘူး... သောကြာနေ့ ၀င်လဲ လွှဲတာပါပဲ..။ နောက်ပြီး..အမေ နဲ့ ဖုန်းပြောတဲ့ ရက်ကို ဒီလို လစာ ၀င်တဲ့ နေ့ ပဲ ရက်သတ်မှတ်ထားတယ်လေ..။ ကိုယ်တို့ ရွာမှာ တယ်လီဖုန်း မရှိပါဘူး.. အဲ့ဒါကြောင့် ဖုန်းကို ပြောချင်တိုင်းပြောလို့လဲ မရပါဘူး..။ တယ်လီဖုန်းက ကိုယ်တို့မြို့ နဲ့ 2 မိုင်ကျော်ဝေးတဲ့ ရွာကြီး တစ်ရွာမှာပဲ ....တစ်လုံး ထဲရှိတာပါ...။ တစ်နယ်လုံးမှာမှ တစ်လုံးထဲ ရှိတဲ့ အဲ့ဒီ ဖုန်း ဟာ...ခေါ်ရတာလဲ အင်မတန်မှကို ခတ်ခဲပါတယ်...။ အဲ့ဒါကြောင့် ကိုယ်လဲ ဖုန်းပြောတဲ့ နေ့ကို လာစာ ထုတ်တဲ့ ... 25၊ 26 ၊ တစ်ရက်ရက် 6:30 (ရွာမှာတော့ 5 နာရီ) လို့ သတ်မှတ်ထားပါတယ် ။ လစာကလဲ ..အဲ့ဒီ နှစ်ရက်ထဲက ၀င်ချင်တဲ့ နေ့ ၀င်တာပါ...။ ဒါပေမယ့် အမေ ကတော့ 2 ရက်စလုံး လာလာ စောင့်နေတာပါပဲ..။ ကိုယ် ကလဲ လစာ ၀င်ပြီးလို့ ငွေလွှဲပြီး ပြီ ဆိုမှ ဖုန်းဆက်ချင်တာပါ... ။တစ်ခါတစ်လေ များဆို နှစ်ရက် စလုံး ဘယ်လိုမှ ဖုန်းက ခေါ်မရပါဘူး..။ ကိုယ် လေ ကိုယ့်အမေ...တမျှော်မျှော်နဲ့ ဖုန်းစောင့်နေမှာကို မြင်ယောင်ပြီး...ဘယ်လိုမှ စိတ်မကောင်း နိုင်ပါဘူး.။ အမေဟာ..ဖုန်းဆိုင်ပိတ်တဲ့ ည ကိုးနာရီ အထိ စောင့်နေမှာသေချာနေတယ်လေ..။ ကိုယ်လဲ ဇွဲရှိရှိ နဲ့ 10 နာရီ ခွှဲ ထိ ထိုင်ရာက မထ ခေါ်ပေမယ့်လဲ.ခေါ်လို့မရ ခဲ့ဘူးဆိုရင် ညတောင် ကောင်းကောင်း အိပ်မပျော်ပါဘူး...အမေ့ အတွက် စိတ်မကောင်းဖြစ်ရလို့ပါ...ဒီက ခေါ်နေ ရဲ့ သားနဲ့ ခေါ်လို့ မရဘူး ဆိုတာများ သိပါ့မလား..၊ အမေ သမီးနဲ့ ဖုန်း မပြောရလို့ အရမ်းပဲ စိတ်မကောင်းဖြစ်သွားမလား... ၊ အဲ့လို အတွေးတွေနဲ့ပေါ့...။ ဘယ်တော့များမှ .. အမေ နဲ့ တူတူ နေရမလဲ .. ။ ဒီနေ့ ဒီလို ဒီမှာ ရတဲ့ လစာ ကို မိသားစုနဲ့ တူတူ နေတဲ့ ဘ၀ မျိုးကနေ ရရင် ကိုယ့်လောက်ပျော်မယ့် လူ ရှိပါဦးမလား လို့ စဉ်းစားမိတယ်..။ ဒါပေမယ့် ... သက်ပြင်းတစ်ချက်အသာရှိုက်ရင်း...ဒီနေ့တော့ အိုတီ လဲ မလုပ်တော့ ပါဘူး...အိမ်ကို စောစော ပြန်ပြီး အမေ့ နဲ့ စကားပြောဖို့ ခေါ်ရအင်မတန် ခတ်တဲ့.. ဖုန်းကို ကြိုးစားခေါ်ရဦးမယ်..။ စိတ်မရှည်တတ်တဲ့ ကိုယ် ဟာ...အမေနဲ့ စကားပြောရဖို့ အဲ့ဒီ ဖုန်းကိုခေါ်ဖို့တော့ စိတ်ရှည်ပါတယ်လေ.....။ ဘာလို့လဲ ဆိုတော့ အမေ နဲ့ မိသားစုကြောင့်ပေါ့..။

သွေးလှုပွဲ တွင် KFC ညာစားကြသူများ

တနင်္ဂနွေ နေ့ကပေါ့....း)

ပြီးခဲ့တဲ့ တပတ်က အစ်မ တစ်ယောက်က ပြောတယ်.... နောင့် ..နင်သွေးလှုမလားတဲ့..။ လှုချင်ရင်စာရင်းပေးတဲ့... ဘာ
မှ မစဉ်းစားဘူး လှုမယ် ပြောလိုက်တယ်...။ ကိုယ့် တစ်သက်လုံး တစ်ခါ မှ သွေးမလှုဖူးပါဘူး...။ ဒါနဲ့ပဲ အဖော်ရအောင်
ကိုယ့် Gmail ထဲမှာ ရှိတဲ့ လူတွေကို chat ပြီး ဆွယ်ပါတယ်.. သွေးမလှုလား ...ငါ လှုမလို့ပေါ့လေ..။ တစ်ချို့ကလဲ လ
ှုမယ် ..တစ်ချို့ကလဲ မလှုဘူးပေါ့..။ လှုမယ်ဆိုရင် စာရင်းပေးဆိုပြီး လုပ်လိုက်တာ.. ကိုယ့် ကို စာရင်း ပေးတဲ့လူ 4
ယောက်ရှိပါတယ်..ကိုယ်အပါ 5 ယောက်ပေ့ါ နော်..။ အဲ့ဒါနဲ့ ကိုယ့်ကို လာပြောတဲ့ အစ်မကို ..ကိုယ်က စာရင်းပြန်ပေး
တာပေါ့....အဲ့ဒီ အစ်မ ကလဲ သူခေါ်ထားတာက 2 ယောက်ဆိုတော့ အားလုံး 7 ယောက်ဆိုတော့ လူများလို့ ပျော်နေတယ်။
ပြီးတော့ ပြောသေးတယ် ...နင်တို့ကို ငါ သွေးလှုပြီးရင်... KFC ကျွေးမှာပါ တဲ့....။ ဝေး ပျော်စရာကြီးပေါ့နော်...။ ဒီလိုနဲ့
sunday မှာ တိုပါးရိုး ကိုသွားကြရော... ကိုယ့်ကိုလှုမယ်စာရင်းပေးထားတဲ့လူတွေကို ကိုယ်က spass တွေ မမေ့ဖို့ ၊ နေ့
လည် 1နာရီ အရောက်လာဖို့ မှာရတာပေါ့လေ..။ ပြီးတော့ ကိုယ်လဲ ကိုယ့်ကို ခေါ်တဲ့ အစ်မနဲ့ တူတူသွားတယ်..jurong
east interchange ကနေ ..506 စီးသွားကြတယ်..။ ဒီလိုနဲ့ ကားစောင့်နေတုန်း ဖုန်း လာတယ်.. 2 ယောက် ကသူတို့ မ
လိုက်ဖြစ်တော့ဘူးတဲ့....သိပ်နေမကောင်းချင်လို့တဲ့..။ ဟမ်...ကိုယ်လဲ ဘာမှ မပြောတတ်တော့ဘူး ..အေးလေ ပေါ့...ပြီး
တော့ ဟိုအမ ကို မျက်နှာငယ်လေး နဲ့ ပြောပြရတယ်...။ အဲ့ဒီ အမ ကလဲ ဘယ်တတ်နိုင်မလဲတဲ့...။ ဒါနဲ့ ဘုန်းကြီးကျောင်း
ရောက်တော့ ဘုရားကန်တော့ ၊ မုန့်ဟင်းခါးစားပြီးတော့... ကျန်တဲ့ သူငယ်ချင်း နှစ်ယောက်ကို ဖုန်းခေါ်တယ်...သူတို့ က
ပြောတယ် ရောက်နေပြီတဲ့...။ ကိုယ်လဲ ၀မ်းသာသွားတယ်။ ဒီနှစ်ယောက်တော့ တကယ်လာတယ်ဆိုပြီး ၀မ်းသာလို့ မှ မ
ဆုံးခင်...သူတို့ ဆက်ပြောတာက... နောင့် တဲ့..ဒီအလှုက ဘယ်သူ့ အတွက်လဲ တဲ့.. ဘာအတွက်လုပ်တာလဲ တဲ့... ကိုယ်
လဲ ကြောင်သွားတယ်.. ဟင်...ကျောင်း ၀င်း အ၀င်မှာထဲ ကဆိုင်းဘုတ်တွေနဲ့ စာတွေ နဲ့လေ..အရင်ထဲကလဲ FW မေလ်း
တွေနဲ့ ဖိတ်စာတွေရနေတာပဲ ..မသိဘူးလား ဆိုတော့...သူငယ်ချင်းက အဲ့ဒီ အတွက်ဆို ..မလှုချင်ဘူးတဲ့...ကြောက်တယ်တဲ့။
ကိုယ်ဘာပြန်ပြောရမလဲ.....ပြောစရာစကားလဲ မရှိဘူး...။ နားမလည် နိုင် ဘူး ဖြစ်နေပေမယ့်..အေးလေ..အေးပေါ့ ဆိုပြီး ဖုန်း
ချ ပစ်မိတယ်..။အစ်မ ကို အားနာပြီး တော့ ဘယ်လို ပြန်ပြောပြရမလဲ မသိတော့ဘူး..။ ဒါနဲ့ပဲ ကိုယ်တို့ အဖွဲ့မှာ... 7 ယောက
်ကနေ 3 ယောက်ပဲ ကျန်တော့ တာပေ့ါကွယ်.... 40% ပေါ့. ။. ဒီလိုနဲ့ သွေးလှုတဲ့ နေရာကိုသွားဖို့ ကားရောက်လာတယ်... 2
စီး ၊ 2 နေရာ ကိုသွားကြမယ်..။ ကိုယ်တို့ လဲ ကိုယ်တို့ နဲ့ နီးတဲ့ နေရာ ကိုသွားမယ့် ကားပေါ်တတ်ကြတာပေ့ါ... ။ ကိုယ်တို့
အဖွဲ့ ထဲက လူတွေ နည်းသွားပေမယ့် ကားပေါ်ကို သွေးလှုမယ့်လူတွေ တတ်လာတာ တစ်ဖွဲ့ ပြီး တစ်ဖွဲ့ ပျော်စရာကြီး ..။ စာ
ရင်း မပေးရသေးတဲ့ လူတွေလဲ ... ခုပေးလို့ ရသေးလား ဆိုပြီး လှုဖို့ လိုက်လာကြတယ်...။ ၀မ်းသာ ၀မ်းနည်း ခံစားရတယ်....
ဘာလို့လဲ တော့ မသိဘူး..။ကား ပေါ်မှာ အစ်ကို တစ်ယောက်က ပြောတယ်...သွေးယူတဲ့ အပ်ကြီးက အကြီးကြီးတဲ့.. သူ့လက
်ညိုးကို ပြပြီး ဒီလောက်ကြီး ရှိတယ်တဲ့..။ ဟင်..ကိုယ်..သွေးက နဲနဲ ကြောင်လာတယ်... ကြောက်တာပေ့ါ နော်..အပ်အကြီးကြီး နဲ့
သွေးကို ဖောက်ယူမှာဆိုတော့ နာမှာပဲပေ့ါ...ဒါပေမယ့် ... ကိုယ် မငြင်းရဲတော့ဘူးလေ...ကိုယ် သာမလှုတော့ဘူး ထပ်ပြောရင် ...
ဟိုအစ်မ ကိုကိုယ့်ကို ဖနောင့်နဲ့ကို ပေါက်မှာ...ဟင့်ဟင့်။ ဒီလိုနဲ့ သွေးလှုရမယ့် နေရာကိုရောက်တော့ ..ကိုယ်လဲ ကားပေါ်ကသာ
ဟန်မပျက်ဆင်းပေမယ့် ..သွေးက နဲနဲ ပျက်နေပြီ...။ အပ်က အကြီးကြီးတဲ့ ..ဘုရားဘုရားပေါ့. ဘုရားတပြီး ကားပေါ်က ဆင်းလိုက
်တယ်..။ အထဲကို တာဝန်ကျနေတဲ့ လူတွေ က...သွေးလှုဖို့ ၀င်လာတဲ့ မြန်မာတွေကို ကြည့်ပြီးတော့.. မျက်လုံးတွေ ပြူးနေကြတယ်..
လူတွေက 40 ကျော်တာကို..။ ဒါနဲ့ form တွေဖြည့်ကြပေါ့.... သွေးလှုဖို့ အဆင့် 3 ဆင့်ကို ဖြတ်ရတယ်...။ ပထမအဆင့်ကို ခေါ်ဖို့
စောင့်နေတုန်း...သွေးကြောတွေ ကျဥ်းလား ကျယ်လား လိုက်စမ်းသတ်တဲ့ အစ်မ တစ်ယောက်က လိုက်စမ်း နေတယ်... မြန်မာပါပဲ.။
ကိုယ့် ကိုစမ်းနေတော့ ဘယ်ဘတ်လက်က သွေးကြောက သေးလို့တဲ့ လှုလို့ မရဘူးတဲ့ ...ညာဘတ် ကိုထပ်တိုင်းတယ်...ညာဘတ်
ကတော့ ရပါတယ်တဲ့...။ ဘာလို့လိုက်တိုင်းတာလဲ အစ်မ လို့ မေးကြည့်တော့ အပ်က ကြီးလို့တဲ့... အမလေး... ကိုယ်အော်ပြီး ထွက
်ပြေးချင်လာပြီ...ဒါပေမယ့် သူက ဆက်ပြောတယ်..ထုံဆေး ပေးမှာပါတဲ့.. ဟယ်...၀မ်းသာလိုက်တာ ပြောမနေပါနဲ့တော့...လူကလဲ
ပြန်ပြီး တက်ကြွလာတယ်... ။ ပြီးတော့ ကိုယ် သွေးလှုနေတဲ့ အချိန် ဓာတ်ပုံရိုက်ပေးဖို့ အစ်မ ကိုလဲ ပြောထားရသေးတယ်...ဟဲဟဲ။
သူက လှုလို့ မရလို့ မလှုပါဘူး..။ အဲ့ဒီ သွေးကြောလိုက်စမ်းနေတဲ့ အဆင့်မှာပါပဲ ကိုယ်တို့ အဖွဲ့ 3 ယောက်ထဲ ကတစ်ယောက်က
သွေးကြောသေးနေလို့ လှုလို့ မရတဲ့ ထဲပါသွားပါတယ်..။ 2 ယောက်ပဲ ကျန်တာပေါ့နော်..။ ဒါနဲ့ ပထမအဆင့် ကိုယ့်ကို ခေါ်တော့
ကိုယ်သွားတော့ ကိုယ့် form လေးပေး..သူတို့ လဲ ကွန်ပျူတာထဲ သွင်းစရာရှိတာ သွင်းပေါ့..။ ဒုတိယ အဆင့်ခေါ်ဖို့ ထပ်စောင့်ရပါ
တယ်...။ တစ်ချို့ သွေးလှုတဲ့ လူတွေလဲ လှုနေရပါပြီ..။ ဒုတိယ အဆင့်က ..ကိုယ်အလေးချိန်တိုင်း. သွေးပေါင်ချိန်တိုင်း.. အပူချိန်
တိုင်း တဲ့နေရာပေါ့...အဲ့ဒါ ကဆရာဝန် တွေ တိုင်းတာ... ကိုယ့် အလှည့်ကို ခေါ်တာလဲ မြန်မာ ဆရာဝန်မပဲ...။ကိုယ့် ကို အသက်
ဘယ်လောက်ရှိပြီလဲ တဲ့ ..လှုလို့ရော ရပြီတဲ့လား တဲ့..22 ကျော် ရှိပါပြီ ရှင့် ဆိုတော့..အော် ကြည့်ရတာ ငယ်ငယ်လေးလိုပဲတဲ့..
ဟဲဟဲ (ကြွားတာ.)။ ဒါနဲ့ ဒုတိယ အဆင့် အောင်ပြီး လို့ တတိယ အဆင့်ရောက်တော့ သွေးဖောက်ပါတယ်...ပြီးတော့ ပြွန်လိုလေးထဲ
ကို ထည့်ပြီး တိုင်းတယ်.. ခဏစောင့်ပါဆိုပြီး..စက်ဝိုင်းလို လည်နေတဲ့ ထဲကို ကိုယ့်သွေးကို စက္ကူလို လေးမှာ သုတ်ပြီး အဲ့ဒီ လည်နေ
တဲ့ ထဲထည့်ပါတယ်...။ ခဏ နေတော့ လှုလို့ မရပါတဲ့...။ iron နည်းနေတယ်တဲ့ ..။ ကိုယ်လဲ ကြောက်သွားပြီးတော့... ခုန က ကိုယ့်
ကို စမ်းတဲ့ ဆရာဝန်မလေး(မြန်မာ) ဆီ ပြေးတာ....။ အဲ့ဒီ အမလေး က မကြောက်ပါနဲ့ သံဓာတ် နည်း နေတာပါ တဲ့ ဆေးပေးလိုက်
မယ်တဲ့... ဆေးသောက်ပြီး ရင် လှုလို့ ရပါပြီတဲ့... ဟင့်။ အဲ့ဒါနဲ့ ကိုယ်လဲ အောင်မြင်စွာ ဆုတ်ခွာ လာခဲ့တယ်...။ ကိုယ်တို့ အဖွဲ့ထဲ
မှာ 1 ယောက်ပဲကျန်တော့တာပေါ့ နော်..။ စောင့်နေတဲ့ အမ ကို မျက်နှာငယ်လေးနဲ့ အကျိုးအကြောင်းပြောပြပြီးတော့ ကျန်တဲ့ တစ
်ယောက်ကို ဆက်စောင့်နေပါတယ်...။ ခဏနေတော့ အဲ့ဒီ ကျန်တဲ့ တစ်ယောက်ကလဲ..... မျက်နှာ မကောင်းစွာ(နဲနဲတော့ စပ်ဖြဲဖြဲ)
နဲ့ ပြန်လာပါတယ်...သူလဲ လှုလို့ မရပါဘူးတဲ့...သံဓာတ်နည်းနေပါတယ်တဲ့...။ ကိုယ်တို့ အဖွဲ့ ရဲ့ အောင်မြင်မှုရာနှုန်း ကတော့ ပထမ
7 ယောက် ..နောက် တော့ 3 ယောက် ..နောက်တော့... 0% အောင်မြင်တာပေါ့နော်...။ အစ်မ ကပြောတယ်...နင်တို့ လှုလို့ လဲ
မရပဲနဲ့ တဲ့...ငါကတော့ ဓာတ်ပုံ ရိုက်ပေးဖို့ စောင့်နေတာတဲ့. ငါကျွေးမယ့် KFC ကိုညာစားကြတယ်တဲ့...။ အဲ့ဒီလိုနဲ့ ကိုယ်တို့ လဲ
အောင်မြင်စွာ ဆုတ်ခွာ လာခဲ့ကြတော့တာပေါ့နော်...။ အမ ကပြောတယ်..... စိတ်ရှိဖို့ပဲ လိုတာပါတဲ့...ငါတို့ စိတ်ရှိလို့ပဲ လှုတဲ့ ဌာန
ကိုတောင် ရောက်လာပြီးပြီပဲ တဲ့...အဓိက လုပ်ဘို့ ထက် ..လုပ်ချင်တဲ့ စိတ်ရှိ ဘို့ ပဲ လိုတာတဲ့.... ဟုတ်တယ်နော်...။

နန်းမေဇင်အေး

စကာင်္ပူ ကို ဘာကြောင့် ရောက်လာတယ်...

အပူအပင် မရှိ တဲ့လူ ဖြစ်ခဲ့ဖူးပါတယ်တစ်ချိန်တုန်းကပေါ့.. ဒါပေမယ့်...လွန်ခဲ့တဲ့ နှစ်နှစ် လောက်ကစပြီးတော့ ..ကိုယ့် မှာ ပူပင်စရာတွေ များ လိုက်တာ..။

ကိုယ် ရန်ကုန်မှာ...အလုပ်လဲလုပ် ကျောင်းလဲ တတ်နေတုန်း.... မမျှော့်လင်တဲ့ သတင်းဆိုး တစ်ခု ကြားရပါတယ်...။ အဲ့ဒါ ကတော့ မလေး မှာ လုပ်နေတဲ့ ကိုယ့်အကို... ရုတ်တရက် သတိ မေ့ လဲကျသွား ပြီးတော့ ဆေးရုံ တင်ထားရတာ... 10 ရက် ရှိပြီ..ခုထိ သတိ မလည်လာ သေးပါတဲ့ ။ သတင်း ကြားကြား ချင်း ကိုယ်ဘာလုပ် ရမလဲ မသိ...ထူပူ ပြီးတော့... စိုးရိမ်စိတ် တွေနဲ့ ..အယောင် ယောင် အမှားမှားပဲ..။ ပထမဆုံး ကိုယ့် မိသားစု ကို အကြောင်းကြား ... ပြီးတော့ ဘုရား ရှေ့ မှာ ဆုတောင်း မေတ္တာပို့ပေါ့..။ ကိုယ် တို့မောင်နှမ တွေထဲမှာ ယောက်ကျား လေးဆိုလို့ ဒီ အကိုလေး တစ်ယောက်ပါ တဲ့အတွက်.. အမေ့ အသည်းကျော် ဒီအကို အဝေးမှာ တစ်ခုခု ဖြစ်ရင်... ကိုယ့် အမေ အတွက် မလွယ်ဘူးလေ..။ နောက်ရက် မှာ အစ်မ ရန်ကုန်ကို တတ်လာတယ်... ပြီးတော့ ..မလေး ကိုဖုန်းတွေ ဆက်.. ဆေးရုံ စားရိတ်တွေ ပို့ပေါ့..။ 12 ရက်မြောက်နေ့မှာ သူသတိ လည်လာတယ်တဲ့..။ ဒါပေမယ့် အတိတ်မေ့သလို ဖြစ်နေပါတယ်တဲ့...။ ဘာပဲ ဖြစ်ဖြစ် ရန်ကုန်ပြန်ပို့ပေးပါဆိုတဲ့ ကိုယ်တို့ မိသားစုရဲ့ တောင်းဆို ချက်ကြောင့် မလေး မှာ ရှိတဲ့ အကို့ ရဲ့ သူငယ်ချင်းတွေ နဲ့ အကို ၀မ်းကွဲတွေက... အတတ်နိုင်ဆုံး ကူညီ ခဲ့ကြပါတယ်...။ ဒီလိုနဲ့ အကို ရန်ကုန်ကို ပြန်ရောက်လာ ပြီးတော့... သူ့ ရဲ့ မသက်သာ တဲ့ ရောဂါ အတွက် SSC မှာ ဆက်ကု... အိမ်က မိသားစု အားလုံး ရန်ကုန် တတ်လာတဲ့ အတွက် နောက်ပိုင်း စီးပွားရေး ကို ကြည့်မယ့် သူမရှိ... ကိုယ် ကလဲ... ၀င်ငွေ အတွက် တစ်ဘတ်တစ်လမ်း ဘယ်လမ်းကမှ မကူညီနိုင် ။ အရမ်းကို စိတ်ဆင်းရဲ ခဲ့ရပါတယ်...ကိုယ့် အကို ရဲ့ ရောဂါ ကလဲ..ခဏနဲ့ပျောက်မယ့် ရောဂါ မဟုတ်လေတော့ ....ကွယ်။ ဒါနဲ့ပဲ...စလုံး မှာရှိတဲ့ ဦးလေးကို စာရေး ပြီး အကျိုးအကြောင်းပြောပြ ... ခေါ်ပေးပါ ပြောရတယ်..။ ပြီးတော့ ဒီကို ထွက်လာဖို့အတွက် လိုအပ်မယ်ထင်တာတွေကို နှစ်လ အတွင်း အပြီးလုပ်...။ အင်္ဂလိပ်စာ သင်တန်း ဘာသင်တန်း ညာသင်တန်း ဘာမှကို အခြေခံ မရှိခဲ့ပါဘူး..။ ဒီကိုလာ မှာတောင် ကိုယ့်ဘာသာ ကျိတ်လုပ်ခဲ့တယ်.. မိသားစု သိရင် ဒီကို လာဖို့ အတွက် ငွေရေးကြေးရေး စိတ်ပူမှာ စိုးတဲ့အတွက်... ကိုယ့်ရဲ့ ဆရာမကြီး တွေနဲ့ တိုင်ပင်ပြီး...သူတို့ ထုတ်ပေးတဲ့ ငွေလေး... USD800( လေယာဉ်လက်မှတ်ခအပါ) နဲ့ ကိုယ့် အသက် 21 မပြည့်ခင်လေးမှာ ထွက်လာခဲ့ပါတယ်...။ ကိုယ့်ရဲ့ မိသားစု ကို တဘတ်တလမ်းက ပြန်လည် ကျေးဇူးဆပ်ဖို့ အတွက် ရည်းစူးပြီးတော့ လာတဲ့ ခရီးဖြစ်တဲ့အတွက် အစစ အဆင်ပြေပါစေလို့ သစ္စာပြုခဲ့တယ်...။ ဒီမှာလဲ ဦးလေး တွေက အတော်အတန် ပြေလည်တဲ့( နိုင်ငံသားဖြစ်နေပြီ) သူတွေ ဖြစ်နေလေ တော့ ကိုယ့်အတွက် ..စားဖို့၊ နေဖို့ ၊ အလုပ်လျှောက်ဖို့ ကွန်ပြူတာမှ အစ ... Ezlink card၊ ဖုန်း ၊ အားလုံး အသင့်ဖြစ်နေခဲ့ပါတယ်...။ အလုပ်လျှောက်ဖို့ အတွက် ဦးလေး ရဲ့ အမျိုးသမီး ကလဲ အားလုံး အစစ ဘယ်လို လျှောက်ရတယ်...အင်တာဗျုး ဘယ်လို ဖြေရမယ်ကအစ ...သင်ပေးခဲ့တယ်...။အလုပ်ရတော့ အလုပ်ထဲက... မန်နေဂျာ ကအရမ်းကို သဘောထားပြည့်ဝ သနားတတ်သူ ဖြစ်တဲ့ အတွက် ကိုယ့်အတွက် ခုတော့အားလုံးအဆင်ပြေနေပါပြီလေ...။ ရည်းမှန်းထားတဲ့ အတိုင်း အိမ်ကိုလဲ ... ပြန်လည်ထောက်ပံ့နိုင်ခဲ့ပြီ....။ ကျေးဇူးတင်ရမယ့် သူတွေ ဆရာ နဲ့ ဆရာမကြီး ၊ ဦးလေး နဲ့ အန်တီ ၊ အလုပ်ခန့်ပေးတဲ့ မန်နေဂျာ..ကျန်တဲ့ ကိုယ့်အတွက် အများကြီး ၀ိုင်းဝန်း...ကူညီခဲ့ကြတဲ့ မိတ်ဆွေ အားလုံး ကို အများကြီး ကျေးဇူးတင်ပါတယ်လေ။